Stock Market Opening । आठवड्याच्या शेवटच्या ट्रेडिंग सत्रातही भारतीय शेअर बाजारात घसरणीसह व्यवहार सुरू झाले आहेत. BSE सेन्सेक्स 276 अंकांनी तर निफ्टी 93 अंकांच्या घसरणीसह उघडला. ऑटो शेअर्समध्ये घसरणीसह आयटी उघडले. मिडकॅप आणि स्मॉलकॅप समभागांमध्येही घसरण आहे. मात्र घसरणीसह बाजार उघडल्यानंतर प्रॉफिट बुकींगमुळे ही घसरण आणखी वाढली. निफ्टीचा मिडकॅप निर्देशांक 800 हून अधिक अंकांच्या घसरणीसह व्यवहार करत आहे. सेन्सेक्स 562 अंकांनी तर निफ्टी 168 अंकांनी घसरला आहे. बाजारातील या कमजोरीमुळे इंडिया विक्स 3.51 टक्क्यांच्या वाढीसह व्यवहार करत आहे. असे मानले जाते की परदेशी गुंतवणूकदार भारतीय बाजारात सतत विक्री करत आहेत त्यामुळे सतत घसरण दिसून येत आहे. वाढणारे आणि घसरणारे शेअर्स Stock Market Opening । सेन्सेक्समधील 30 समभागांपैकी केवळ 5 समभाग वाढत आहेत तर 25 समभाग घसरणीसह व्यवहार करत आहेत. निफ्टीच्या 50 समभागांपैकी केवळ 7 समभाग वाढीसह उघडले आहेत तर 43 समभागांनी घसरणीसह व्यवहार सुरू केला आहे. तेजीच्या समभागांमध्ये ॲक्सिस बँक २.७५ टक्के, आयशर मोटर्स २.०८ टक्के, विप्रो १.७९ टक्के, टीसीएस ०.५९ टक्के, भारती एअरटेल ०.०८ टक्के, आयसीआयसीआय बँक ०.०५४ टक्के वाढीसह उघडले. घसरलेल्या समभागांमध्ये श्रीराम फायनान्स, इन्फोसिस, मारुती, टायटन, बजाज ऑटो, महिंद्रा अँड महिंद्रा, बीपीसीएल, बीईएल, अदानी एंटरप्रायझेस यांचा समावेश होता. सर्व क्षेत्रातील शेअर्समध्ये घसरण Stock Market Opening । आजच्या व्यवहारात सर्वच क्षेत्रांत घसरण आहे. बँकिंग, ऑटो, आयटी, एनर्जी, एफएमसीजी, इन्फ्रा, फार्मा, हेल्थकेअर, कंझ्युमर ड्युरेबल्स क्षेत्रातील शेअर्समध्ये मोठी घसरण झाली आहे. मिडकॅप आणि स्मॉलकॅप शेअर्समध्ये मोठी घसरण पाहायला मिळत आहे. बाजार उघडल्यानंतर गुंतवणूकदारांचे 5 लाख कोटी रुपयांचे नुकसान शेअर बाजार उघडल्यानंतर मोठ्या घसरणीमुळे गुंतवणूकदारांचे मोठे नुकसान झाले आहे. बीएसईवर सूचीबद्ध समभागांचे मार्केट कॅप 452 लाख कोटी रुपयांवर घसरले आहे जे गेल्या सत्रात 457 लाख कोटी रुपयांच्या जवळपास होते. आजच्या सत्रात गुंतवणूकदारांचे पाच लाख कोटी रुपयांचे नुकसान झाले आहे. हेही वाचा झारखंडमध्ये जागावाटपाचा फॉर्म्युला ठरला; कोणाला किती जागा मिळणार ?
