Stock Market:  आज मोहरमच्या निमित्ताने भारतीय शेअर बाजार (Stock Market )   बंद राहणार आहे, त्यामुळे बीएसई (BSE) आणि एनएसई (NSE) एक्सचेंजवर इक्विटी, डेरिव्हेटिव्ह्ज किंवा करन्सी सेटलमेंटशी संबंधित कोणताही व्यापार होणार नाही.

शुक्रवारच्या या सुट्टीमुळे गुंतवणूकदारांना शनिवार आणि रविवारसह तीन दिवसांचा वीकेंड मिळत आहे. आता बाजार पुढील आठवड्यात सोमवारी उघडेल.

 

कमोडिटी ट्रेडिंगचे वेळापत्रक   (Stock Market)

कमोडिटी व्यापाऱ्यांसाठी आजचे वेळापत्रक थोडे वेगळे आहे. मल्टी कमोडिटी एक्सचेंज (MCX) आज अर्धा दिवस कार्यरत आहे. याचा अर्थ एमसीएक्स सकाळच्या सत्रासाठी बंद राहील, परंतु सायंकाळच्या सत्रात सायंकाळी ५:०० ते रात्री ११:५५ पर्यंत व्यापार पुन्हा सुरू होईल. तथापि, नॅशनल कमोडिटी अँड डेरिव्हेटिव्ह्ज एक्सचेंज (NCDEX) दिवसभर बंद राहील.

मोहरम म्हणजे काय?  (Stock Market)

मुहर्रम हा इस्लामिक कॅलेंडरचा (हिजरी कॅलेंडर) पहिला महिना आहे. इस्लाममध्ये मोहरम नवीन वर्षाची सुरुवात दर्शवतो. या महिन्याच्या पहिल्या १० दिवसांना खूप महत्त्व आहे.

या महिन्याच्या दहाव्या दिवसाला ‘युम-ए-आशुरा’  म्हणतात. हा महिना पैगंबर मुहम्मद यांचे नातू इमाम हुसेन यांच्या हौतात्म्याचे स्मरण करतो, जे इराकमधील कर्बला येथे त्यांच्या ७२ साथीदारांसह सत्य आणि मानवतेसाठी शहीद झाले.

काल बाजाराची स्थिती कशी होती?  (Stock Market)

गुरुवार, २६ जून रोजी, सेन्सेक्स आणि निफ्टी या दोन्ही प्रमुख निर्देशांकांनी सलग दुसऱ्या सत्रात वाढ नोंदवली. ३०-शेअर असलेला बीएसई सेन्सेक्स ८११.९६ अंकांनी, म्हणजेच १ टक्क्याने, उसळी घेऊन ७७८०३.१८ च्या इंट्राडे उच्चांकावर पोहोचला.  (Stock Market)

मात्र =, दुसऱ्या सत्रात, आयटी आणि मेटल स्टॉक्समधील प्रॉफिट-बुकिंगमुळे त्याने आपली बहुतेक वाढ गमावली आणि अखेरीस १०९.२५ अंकांनी, म्हणजेच ०.१४ टक्क्यांनी वाढून ७७१००.४७ वर स्थिरावला. दरम्यान, निफ्टी ५० निर्देशांक गुरुवारी ३४.३५ अंकांनी, म्हणजेच ०.१४ टक्क्यांनी वाढून २४,०५६ अंकांवर बंद झाला. दिवसभरात या निर्देशांकाने २४,२६१.६० चा उच्चांक आणि २४,०३९ चा नीचांक गाठला.