Stock Market Crash । भारतीय शेअर बाजारात काही दिवसांच्या घसरणीनंत आज पुन्हा एकदा मोठी घसरण  पाहायाला मिळाली.  निफ्टी २२३०० च्या खाली आला. तर सेन्सेक्समध्येही ९४० अंकांची घसरण दिसून येत आहे. निफ्टी बँक देखील ५०० पेक्षा जास्त अंकांनी घसरली आहे. अमेरिकेचे अध्यक्ष डोनाल्ड ट्रम्प यांनी पुन्हा एकदा मेक्सिको, कॅनडा आणि चीनवर शुल्क लादण्याची घोषणा केली आहे, अशा वेळी ही मोठी घसरण झाली आहे. जागतिक बाजारातही मोठी घसरण झाली आहे.

सेन्सेक्स ९४० अंकांनी घसरून ७३६७० वर व्यवहार करत आहे, तर निफ्टी २७० अंकांनी घसरून २२७७४ वर व्यवहार करत आहे. निफ्टी बँक ४८२५० वर व्यवहार करत आहे. रिलायन्स आणि एचडीएफसी बँक वगळता, बीएसईच्या सर्व टॉप ३० शेअर्समध्ये घसरण झाली आहे. इंडसइंड बँकेत सर्वात मोठी घसरण ४.५० टक्के दिसून आली.

आज शेअर बाजार का कोसळला? Stock Market Crash ।
अमेरिकेचे अध्यक्ष डोनाल्ड ट्रम्प यांनी ४ मार्चपासून मेक्सिको आणि कॅनडावर कर लादण्याची घोषणा केली आहे. त्याच वेळी, चीनवरील शुल्क आणखी वाढवण्याची घोषणा देखील करण्यात आली आहे. या घोषणेनंतर रात्रीतून एनव्हीडियामध्ये ८.५ टक्क्यांची घसरण झाली ज्यामुळे नॅस्डॅक खाली आला. त्याचा परिणाम आज आशियाई बाजारपेठेवर दिसून आला आणि आता भारतीय बाजारपेठही मोठ्या घसरणीसह व्यवहार करत आहे.

याशिवाय भारतीय शेअर बाजारात मोठी विक्री दिसून येत आहे. महिंद्रा अँड महिंद्रा, इंडसइंड बँक सारखे शेअर्स मोठ्या प्रमाणात घसरणीसह व्यवहार करत आहेत. मिडकॅप आणि स्मॉलकॅपमध्येही विक्री जोरदार आहे.

बीएसईचं बाजारमूल्य 6 लाख कोटींनी घसरलं असून गुंतवणूकदारांचे 6 लाख कोटींचे नुकसान झालं आहे. चिपमेकर एनव्हिडियाच्या घसरणीमुळे अमेरिकेतील बाजार कोसळले आहेत. अशातच भारतातील आयटी क्षेत्रातील दिग्गज पर्सिस्टंट सिस्टम्स, टेक महिंद्राच्या समभागात घसरण झाल्याचं पाहायला मिळालं.

हे १० शेअर्स सर्वात जास्त घसरले
चंबळ फर्टिलायझरचे शेअर्स सुमारे ७ टक्क्यांनी, रेडिंग्टनचे शेअर्स ६.८ टक्क्यांनी, क्रेडिट अॅक्सेसचे शेअर्स ६ टक्क्यांनी, पतंजली फूडचे शेअर्स १० टक्क्यांनी, आयआरईडीएचे शेअर्स ७ टक्क्यांनी, हेक्साकॉमचे शेअर्स सुमारे ५ टक्क्यांनी, इन्फो एजचे शेअर्स सुमारे ६ टक्क्यांनी, टेक महिंद्रा ५ टक्क्यांनी, इंडसइंड बँकेचे शेअर्स ४.५० टक्क्यांनी आणि महिंद्रा अँड महिंद्राचे शेअर्स सुमारे ५ टक्क्यांनी घसरले.

७ लाख कोटी किमतीचे Stock Market Crash ।
शुक्रवारी सेन्सेक्स ९०० पेक्षा जास्त अंकांनी घसरल्याने मोठ्या प्रमाणात गुंतवणूकदारांचे नुकसान झाले. आज बीएसई मार्केट कॅपमध्ये ६.७२ लाख कोटी रुपयांची घट होऊन ते ३८६.३८ लाख कोटी रुपयांवर आले, जे काल बाजार बंद होता तेव्हा ३९३.१० लाख कोटी रुपये होते.

हेही वाचा
Delhi : राष्ट्रीय अध्यक्षांच्या निवडीतही भाजपचे धक्कातंत्र? पक्षाच्या अंतर्गत चर्चांमध्ये कोणाच्या नावाची चर्चा? वाचा….