Stock Market । शेअर बाजारात हिरवळ पण पूर्वीसारखा उत्साह नाही ; जीएसटी कपातीमुळे कोणत्या क्षेत्रात वाढ अन् कोणत्या क्षेत्रात घसरण ?
Stock Market । जीएसटी सुधारणांच्या घोषणेनंतर, शेअर बाजार आज सलग दुसऱ्या दिवशी तेजीत आहे, परंतु गुंतवणूकदारांच्या अपेक्षेनुसार वाढलेला नाही. सेन्सेक्स-निफ्टी आज ग्रीन झोनमध्ये उघडले आहेत. लार्ज कॅप शेअर्स चांगली कामगिरी करत आहेत. सेन्सेक्स २६६.२७ अंकांनी वाढून ८०,९८२.९६ वर व्यवहार करत आहे, तर निफ्टी ६९ अंकांनी वाढून २४८०३ पातळीवर व्यवहार करत आहे. निफ्टी बँक देखील ८९ अंकांनी वधारली आहे.
बीएसईच्या टॉप ३० शेअर्सबद्दल बोलायचे झाले तर, यापैकी फक्त २ शेअर्स घसरत आहेत, उर्वरित शेअर्स वाढत आहेत. महिंद्रा अँड महिंद्रा, एशियन पेंट्स, पॉवर ग्रिड आणि रिलायन्स सारख्या शेअर्समध्ये १ टक्क्यांपर्यंत वाढ दिसून आली आहे. विशेषतः ऑटो, एफएमसीजी आणि बँकिंग शेअर्समध्ये वाढ होत आहे, परंतु गुंतवणूकदारांच्या अपेक्षेइतकी नाही.
अंबर एंटरप्रायझेस, पीजी इलेक्ट्रोपोस्ट, रिलायन्स पॉवर सारख्या शेअर्समध्ये १ टक्क्यांपेक्षा जास्त वाढ दिसून आली आहे. याशिवाय, बीएसई, विशाल मेगा मार्ट, ग्लेनमार्क आणि मॅक्स फायनान्स सर्व्हिसेसमध्ये २ टक्क्यांहून अधिक वाढ झाली आहे. लार्ज कॅप स्टॉक्स – महिंद्रा अँड महिंद्रा, डीएलएफ आणि आयशर मोटर्समध्ये १.५० टक्क्यांहून अधिक वाढ झाली आहे.
या स्टॉक्समध्ये घसरण Stock Market ।
जीएसटी कपातीनंतर घसरलेल्या स्टॉक्सबद्दल बोलायचे झाले तर, वरुण बेव्हरेजेसचा स्टॉक २.४२ टक्क्यांनी, आयटीसीमध्ये २ टक्क्यांनी, एलआयसीमध्ये १ टक्क्यांनी, ओला इलेक्ट्रिकमध्ये ४ टक्क्यांनी, मॅरिकोमध्ये १.१४ टक्क्यांनी आणि प्रीमियर एनर्जीमध्ये १ टक्क्यांनी घसरण झाली आहे.
जीएसटी कपातीमुळे कोट्या क्षेत्रात वाढ अन् कोणत्या क्षेत्रात घसरण ? Stock Market ।
जीएसटी कपातीच्या घोषणेनंतर, काल आणि आज ऑटो स्टॉक्समध्ये वाढ झाली आहे. एफएमसीजी क्षेत्रात घसरण झाली आहे, तर आरोग्यसेवा, बँकिंग आणि ऑटो सेक्टर चांगले काम करत आहेत. ऑटो सेक्टरमध्ये सर्वाधिक १.३२% वाढ झाली आहे. यानंतर, वित्तीय सेवांमध्ये १% पेक्षा जास्त वाढ झाली आहे. तेल आणि वायू शेअर्समध्येही मोठी वाढ दिसून येत आहे.
