SBI Share Price: स्टेट बँक ऑफ इंडिया (SBI) च्या शेअर्सने गुरुवारच्या ट्रेडिंग सत्रात नवीन विक्रम केला. या काळात सार्वजनिक क्षेत्रातील या बँकेच्या शेअरने प्रथमच 800 रुपयांचा टप्पा ओलांडला. बँकिंग क्षेत्रातील शेअर्समध्ये चांगल्या कमाईनंतर गेल्या काही तिमाहीत वाढ झाली आहे. याचा फायदा एसबीआयलाही झाला. गुरुवारी देशातील सर्वात मोठी सरकारी बँक SBI च्या शेअर्सची किंमत 5.09% ने वाढून 812 रुपये झाली. ही आजपर्यंतची सर्वोच्च किंमत आहे.

आणखी वाढ होण्याची शक्यता –

ॲक्सिस सिक्युरिटीजचे रिसर्च हेड राजेश पालीवाल म्हणतात की, सरकारी बँकांमध्ये एसबीआयची स्थिती चांगली आहे. येत्या 2-3 दिवसांत SBI चे शेअर्स 820-830 रुपयांपर्यंत जाऊ शकतात. ते खरेदी करताना तुम्ही 750 रुपयांवर स्टॉप लॉस ठेवू शकता. ॲक्सिस बँकेने कोटक महिंद्रा बँकेला मागे टाकून शेअर बाजारातील भांडवलाच्या बाबतीत चौथी सर्वात मोठी बँक बनली आहे. त्यामुळे सार्वजनिक क्षेत्रातील बँकांचे शेअर्स वाढले आहेत.

शेअर्स का वाढले ?

दुसरीकडे, भारतीय रिझर्व्ह बँकेने कोटक महिंद्रा बँकेला ऑनलाइन आणि मोबाइल बँकिंगद्वारे नवीन ग्राहक जोडण्यास आणि नवीन क्रेडिट कार्ड जारी करण्यास बंदी घातल्यानंतर कोटक महिंद्रा बँकेच्या शेअर्समध्ये घसरण झाली आहे. Axis Securities ला मार्च तिमाहीत SBI ची कर्जे 14% आणि ठेवी 11% ने वाढण्याची अपेक्षा आहे. पगाराच्या सुधारणेमुळे ऑपरेशनल खर्चात किंचित वाढ होण्याची शक्यता आहे.

फिच रेटिंगनेही व्यक्त केला विश्वास –

एप्रिलच्या सुरुवातीस, फिच रेटिंग्सने सांगितले की, भारतीय बँकांमध्ये स्टेट बँक ऑफ इंडिया (SBI) ची व्यवसाय प्रोफाइल स्कोअर सर्वाधिक आहे. फिचने विश्वास व्यक्त केला की, SBI त्यांच्या प्रतिस्पर्ध्यांपेक्षा चांगले जोखीम व्यवस्थापन करण्यास सक्षम आहे. फिच रेटिंगच्या अहवालात असेही समोर आले आहे की, एसबीआयचा मोठा आकार आणि बाजारातील हिस्सा ही त्याच्या मजबूत व्यवसायाची प्रमुख कारणे आहेत. SBI बँकिंग क्षेत्रात चांगली कामगिरी करत आहे. परंतु, इतर सार्वजनिक क्षेत्रातील बँकांप्रमाणेच, सरकारी हस्तक्षेपामुळे SBI च्या जुन्या व्यवसाय मॉडेलवर (ज्यामध्ये 60% उत्पन्न कर्जातून येते) आणि जोखीम वाढू शकते.

Fitch रेटिंग्स असेही म्हणते की, SBI ला कर्जाच्या निवडीच्या बाबतीत इतर बँकांपेक्षा त्याचा मोठा आकार, ब्रँड निष्ठा आणि देशभरातील उपस्थिती यामुळे फायदा आहे. मार्च 2023 (FY23) मध्ये संपलेल्या आर्थिक वर्षात वार्षिक आधारावर एकूण कर्जाची वाढ 16% होती, जी FY24 मध्ये 14.5% पर्यंत कमी झाली आहे.