Ajinkya Rahane Retirement : भारतीय क्रिकेट संघाचा अनुभवी आणि स्टार फलंदाज अजिंक्य रहाणे  (Ajinkya Rahane )याने आंतरराष्ट्रीय क्रिकेटमधून निवृत्तीची घोषणा केली आहे. सोशल मीडियावर भावनिक व्हिडिओ शेअर करत त्याने क्रिकेटच्या सर्व आंतरराष्ट्रीय प्रकारातून निवृत्ती घेतली असल्याचं जाहीर केलं आहे. अचानक घेतलेल्या या निर्णयामुळे रहाणेच्या चाहत्यांना धक्का बसला आहे.  (Ajinkya Rahane Video)

आपल्या अधिकृत सोशल मीडिया अकाऊंटवरुन अजिंक्यने व्हिडिओ पोस्ट करत निवृत्ती घेत असल्याची घोषणा केली. व्हिडिओतून त्याने आपला आतापर्यंतचा प्रवास कसा होता याविषयी सांगत भारतीय क्रिकेट नियामक मंडळ (बीसीसीआय), आपल्या सहकारी खेळाडू, प्रशिक्षक तसेच देशभरातील चाहत्यांचे मनापासून आभार मानले आहेत.

व्हिडिओच्या सुरुवातीला आपण निवृत्ती घेत असल्याचे त्याने जाहीर केले; पण काही वेळानंतर अचानक त्याला अश्रू अनावर झाले. सोशल मीडियावर त्याचा हा व्हिडिओ व्हायरल होत आहे.   (Ajinkya Rahane Video)

 

View this post on Instagram

 

A post shared by Ajinkya Rahane (@ajinkyarahane)

व्हिडिओमध्ये अजिंक्य काय म्हणाला?  (Ajinkya Rahane Video)

“जीवनातील प्रत्येक गोष्टीची एक सुरुवात असते आणि एक शेवटही. तो क्षण आला की त्याचा सन्मान करून पुढे जाणं गरजेचं आहे. माझ्या फलंदाजीप्रमाणेच मी योग्य वेळेवर नेहमी विश्वास ठेवला आणि आज मला वाटतं, आंतरराष्ट्रीय क्रिकेट आणि सर्व प्रकारच्या क्रिकेटमधून निवृत्ती जाहीर करण्यासाठी हीच योग्य वेळ आहे.”

अन् बॉर्डर-गावसकर ट्रॉफी जिंकली  (Ajinkya Rahane Video)

अजिंक्य राहाणेचं भारतीय क्रिकेटसाठी लक्षात राहणार योगदान आहे. त्याने भारतासाठी अखेरचा कसोटी सामना २० जुलै २०२३ रोजी वेस्ट इंडिजविरुद्ध खेळला होता. तर एकदिवसीय क्रिकेटमधील त्याचा शेवटचा सामना २०१८ मध्ये, तर टी- २० आंतरराष्ट्रीय सामना २०१६ मध्ये खेळला होता. २०२०-२१  मध्ये अजिंक्य रहाणेच्या नेतृत्वाखाली भारताने
ऑस्ट्रेलियात ऐतिहासिक बॉर्डर-गावसकर ट्रॉफी जिंकली होती. त्याच्या या यशस्वी कामगिरीचं कौतुक झालं होतं.

सोशल मीडियावर भावनिक पोस्ट    (Ajinkya Rahane Video)

अजिंक्य रहाणे हा भारताच्या सर्वात विश्वासार्ह फलंदाजांपैकी एक असून त्याच्याकडून संयमी खेळ खेळला जातो. हे अनेकदा त्याच्या फलंदाजीवरुन दिसून आले आहे. त्यामुळे आता अजिंक्य रहाणेची परदेशातील दमदार खेळी, संयमी फलंदाजी आणि नेतृत्वगुण ही  कारकीर्द भारतीय क्रिकेटच्या इतिहासात कायम लक्षात राहिल.

आंतराष्ट्रीय पदार्पणाविषयी…

T20I पदार्पण: ३१ ऑगस्ट २०११ विरुद्ध इंग्लंड
ODI पदार्पण: ३ सप्टेंबर २०११ विरुद्ध इंग्लंड
कसोटी पदार्पण: २२ मार्च २०१३ विरुद्ध ऑस्ट्रेलिया

S Jaishankar: ‘जयशंकर आमच्याशी बोलत नाहीत’; युक्रेनचे भारताच्या सल्लागारावर प्रश्नचिन्ह