Dhanush and Mrunal Thakur : एकत्र दिसले, डेटिंगची चर्चा रंगली; आता धनुष-मृणालने घेतला मोठा निर्णय?
Dhanush and Mrunal Thakur : दोघेही एकमेकांना डेट करत असल्याची चर्चा 'सन ऑफ सरदार 2'च्या प्रीमियरदरम्यान झालेल्या एका प्रसंगानंतर सुरू झाली.
Dhanush and Mrunal Thakur : धनुष आणि मृणाल ठाकूर यांच्या कथित नात्याबाबत गेल्या काही महिन्यांपासून सुरू असलेल्या चर्चांना आता नवे आणि अनपेक्षित वळण मिळाले आहे. दोघांनी नात्यांतून आपले वेगळे मार्ग निवडले आहेत. मात्र, धनुष किंवा मृणाल यापैकी कुणीही त्यांच्या नात्याची किंवा ब्रेकअपची अधिकृत पुष्टी अद्यापर्यंत केलेली नाही.
दोघेही एकमेकांना डेट करत असल्याची चर्चा ‘सन ऑफ सरदार 2’च्या प्रीमियरदरम्यान झालेल्या एका प्रसंगानंतर सुरू झाली. या प्रमिअरला धनुषने हजेरी लावली होती. तसेच त्याने मृणालसोबत संवाद साधला. दोघांचा एक व्हिडिओ सोशल मीडियावर वेगाने व्हायरल झाला होता. त्यानंतर दोघे एकमेकांना डेट करत असल्याच्या चर्चांना उधाण आले.
यानंतर मृणाल धनुषच्या ‘तेरे इश्क में’च्या रॅप-अप पार्टीमध्ये दिसली. तसेच तिने सोशल मीडियावर धनुषच्या बहिणींना फॉलो केल्याने चाहत्यांमध्ये त्यांच्या नात्याबाबतच्या चर्चांना आणखी बळ मिळाले.
हेही वाचा : Richa Agnihotri: रिचा अग्निहोत्रीने गुपचूप उरकले लग्न; सुंदर लुकने वेधले साऱ्यांचे लक्ष
दरम्यान, फिल्मफेअरच्या वृत्तानुसार, कलाकारांच्या जवळच्या सूत्रांनी दावा केला आहे की धनुष आणि मृणाल यांनी नात्याचा शेवट करण्याचा आणि कथितरित्या वेगळे होण्याचा निर्णय घेतला आहे. मात्र, त्यांच्या विभक्त होण्यामागील कारण अद्याप समोर आलेले नाही. दोघांनीही त्यांच्या नात्याबाबत कधीही सार्वजनिकरित्या भाष्य केले नसल्याने या बातमीकडे केवळ एक अफवा म्हणून देखील पाहिले जात आहे.
Actress Mrunal Thakur
विशेष म्हणजे, मृणाल ठाकूरने याआधी डेटिंगच्या सर्व अफवा फेटाळून लावत धनुष हा तिचा चांगला मित्र असल्याचे स्पष्ट केले होते. तसेच ‘सन ऑफ सरदार 2’च्या प्रीमियरला धनुषने लावलेली हजेरी ही अजय देवगणच्या निमंत्रणामुळे होती, त्याचा कोणत्याही वैयक्तिक नात्याशी संबंध नसल्याचेही तिने सांगितले होते.
मृणालने अनेकदा तिच्या वैयक्तिक आयुष्याऐवजी प्रेक्षकांनी तिच्या अभिनय आणि चित्रपटांवर लक्ष केंद्रित करावे, अशी अपेक्षा व्यक्त केली आहे. सध्या ती तिच्या कामात व्यस्त असून, आयुष्यात प्रेमाला जागा मिळाल्यास त्याबाबत ती स्वतः खुलेपणाने बोलेल, असेही तिने म्हटले आहे. त्यामुळे धनुष आणि मृणाल यांच्यात नेमकं काय सुरू आहे हा प्रश्न केवळ चर्चेचा विषय ठरताना दिसत आहे.
