Sonam Wangchuk video : सामाजिक कार्यकर्ते आणि पर्यावरण तज्ज्ञ सोनम वांगचुक २६ दिवसांच्या उपोषणानंतर आपल्या हिमालयातील गावी परतले असून त्यांनी एक महत्त्वपूर्ण व्हिडिओ आपल्या सोशल मीडिया अकाऊंटवरुन शेअर केला आहे. या व्हिडिओतून त्यांनी त्यांच्या साथीदार आणि झेन झींसाठी एक महत्वाचा संदेश जारी केला आहे.

नीट पेपरफुटीप्रकरणी विद्यार्थ्यांच्या विविध मागण्यांसाठी दिल्लीतील जंतर-मंतर येथे त्यांनी केलेले उपोषण सरकारच्या आश्वासनानंतर मागे घेतले. गेल्या काही दिवसांपूर्वी त्यांना रुग्णालयातून डिस्चार्ज मिळाला असून ते त्यांच्या मूळ गावी गेले आहेत. याविषयी त्यांनी एक्स अकाऊंटवरुन व्हिडिओ शेअर करत माहिती दिली.

व्हिडिओमध्ये वांगचुक म्हणाले, “मी माझ्या गावी परतलो असून माझ्या मागे सिंधू नदी आणि मावळता सूर्य दिसत आहे. येथे मी विश्रांती घेत असून पुन्हा नव्या ऊर्जेने कामासाठी सज्ज होत आहे.”   (Sonam Wangchuk video)

योग्य वेळी घेतलेले निर्णयच महत्त्वाचे ठरतात  (Sonam Wangchuk video)

व्हिडिओमध्ये सोनम वांगचुक यांनी केंद्र सरकारने त्यांना दिलेल्या आश्वासनांची आठवण करून दिली. “सरकारने मला लिखित स्वरूपात आश्वासन दिले आहे. ते वेळेत पूर्ण होणे आवश्यक आहे. आंदोलनात सहभागी विद्यार्थ्यांविरोधात कोणतीही कायदेशीर कारवाई होऊ नये. तसेच नीट पेपरफुटी प्रकरणानंतर आत्महत्या केलेल्या २१ विद्यार्थ्यांच्या कुटुंबीयांना भरपाई देण्यात यावी. योग्य वेळी घेतलेले निर्णयच महत्त्वाचे ठरतात,” असे ते म्हणाले.

Back In My Village…
But haven’t forgotten the causes.
With hopes that government will fulfil the remaining promises too…

No copyrights share freely #cjp #sonamwangchuknews pic.twitter.com/785UObJNqA

— Sonam Wangchuk (@Wangchuk66) July 31, 2026

वांगचुक यांनी सरकारच्या चांगल्या कामांचे कौतुक करण्यास विरोध करणाऱ्यांवरही निशाणा साधला. काश्मीरमधील रेल्वे अभियांत्रिकी प्रकल्पाचा उल्लेख करताना त्यांनी सांगितले की, “अत्यंत कठीण परिस्थितीत हा प्रकल्प राबवला जात आहे आणि त्याचा मला अभिमान आहे. मी त्याचे कौतुक केल्याने काही जण नाराज झाले. पण एखादे काम चांगले असेल तर त्याचे कौतुक करण्यात गैर काय?” असा सवाल त्यांनी टीका करणाऱ्यांना विचारला.

तुम्हाला भक्त व्हायचे नाही    (Sonam Wangchuk video)

ते पुढं म्हणाले, “भारतीय रेल्वे, अभियंते, अधिकारी आणि हजारो कामगार यांच्या मेहनतीने हा प्रकल्प साकारत आहे. पक्ष कोणताही असो, देश उभारण्याची जबाबदारी सर्वांची आहे. पक्ष कोणता ही असो, विरोधात कोणी असो. हा देश आपल्या सर्वांना मिळून तयार करायचा आहे. तुम्हाला भक्त व्हायचे नाही. चुकीचं आहे त्याला चूक म्हणा आणि चांगल्याला चांगले म्हणण्याची वृत्ती जोपासा.”    (Sonam Wangchuk video)

दिल्लीतील जंतर-मंतरवरील आंदोलनादरम्यान सोनम वांगचुक यांची प्रकृती खालावल्याने त्यांना रुग्णालयात दाखल करण्यात आले होते. त्यानंतर केंद्रीय मंत्री जे. पी. नड्डा आणि जितेंद्र सिंह यांच्या उपस्थितीत त्यांनी रुग्णालयातच मध्यरात्री उपोषण सोडलं. यावरुन काहींनी टीकाही केली होती.

LPG Price Update : 1 ऑगस्टपासून काय बदलले? LPG गॅस ‘इतक्या’ रुपयांनी स्वस्त, ‘या’ वस्तूंच्या किंमती वाढणार; जाणून घ्या