नुकताच ब्लेंडर प्राइट x एफडीसीआय फॅशन टूर २०२५ चे आयोजन करण्यात आले आहे. या टूरला अनेक कलाकारांनी हजेरी लावत रॅम्प वॅाक केले. या फॅशन टूरमध्ये बॅालीवूड अभिनेत्री सोनम कपूर देखील सहभागी झाली असून तिने रॅम्प वॅाक केले. मात्र, रॅम्प वॅाक करताना सोनमला अचानक रडू कोसळले. तिचा हा व्हिडिओ सोशल मीडियावर व्हायरल झाला आहे. या व्हिडिओवरून तिला ट्रोल केले जात आहे. सोनम या टूरमध्ये सहभागी झाली होती. रॅम्प वॅाक करताना अचानक तिने फॅशन डिझायनर रोहित बल यांना श्रद्धांजली वाहिली. यावेळी तिला रडू कोसळलं. काही महिन्यांपूर्वीच बल यांचे हृदयरोगामुळे निधन झाले आहे. या कार्यक्रमात तिने पांढऱ्या रंगाचा ड्रेस परिधान केला होता. डोक्यात केसांमध्ये खूप सारी गुलाब माळली होती. तिचे देखणे रुप सर्वांना मोहित करत होते. यावेळी बल यांची तिला आठवण आली आणि ती रडू लागली. त्यावर एका युजर्सनी याला ओव्हरअॅक्टिंग म्हटले आहे. तसेच इतरही अनेक कमेंट करण्यात आल्या आहे. किती ड्रामा क्वीन. ओव्हरअॅक्टिंगसाठी १० रुपये वजा करा, अतिरेकी अभिनयाची दुकानदारी, सोनमचा आतापर्यंतचा सर्वोत्तम अभिनय अशा प्रकारच्या काही कमेंट्स केल्या आहेत. दिग्गज रोहित बल यांना श्रद्धांजली वाहणे हा सन्मान आहे. त्यांची कलात्मकता, दूरदृष्टी आणि वारसा यांनी भारतीय फॅशनला अनेक प्रकारे आकार दिला आहे. त्यांच्या स्मृतीप्रित्यर्थ रॅम्पवर चालणे भावनिक आणि प्रेरणादायी होते, असे कॅप्शन तिने रॅम्प वॅाक करताना केलेल्या शेअर केलेल्या फोटोखाली लिहिले आहे. कोण होते रोहित बल देशातील प्रसिद्ध फॅशन डिझायनर म्हणून रोहित बल यांना ओळखले जात होते. मनोरंजन विश्वाचा एक महत्वाचा भाग ते मानले जात होते. दीर्घकाळापासून बल हे हृदयविकारामुळे त्रस्त होते. त्यांची प्रकृती खालावल्याने त्यांना रुग्णालयात दाखल करण्यात आले होते. मात्र, प्रकृती खालावल्याने त्यांचे वयाच्या ६३ व्या वर्षी निधन झाले.
