Someshwar Karkhana Election : श्री सोमेश्वर सहकारी साखर कारखान्याच्या (Someshwar Karkhana Election) पंचवार्षिक निवडणुकीच्या मतमोजणीच्या पार्श्वभूमीवर बारामती शहरातील वाहतूक व्यवस्थेत तात्पुरता बदल करण्यात आला आहे. सोमवार, दि. १२ ऑक्टोबर रोजी सकाळी सातपासून मंगळवार, दि. १३ ऑक्टोबर रोजी सकाळी सातपर्यंत शारदानगर येथील निरा रोड ते माळेगाव राजहंस चौक हा मार्ग वाहतुकीसाठी बंद राहणार आहे.

मतमोजणी केंद्र परिसरात गर्दी होऊ नये, वाहतूक कोंडी टाळता यावी आणि नागरिकांची (Someshwar Karkhana Election) सुरक्षितता राखता यावी, या उद्देशाने उपविभागीय पोलीस अधिकारी, बारामती यांच्या वतीने हा निर्णय घेण्यात आला आहे.

असा असेल पर्यायी मार्ग!
शारदानगर येथून के.डी.के. ट्रस्ट कॅनॉल रोडने माळेगाव राजहंस चौक तसेच पुढे माळेगाव कारखाना मार्गे पाहुणेवाडी–शारदानगर–बारामती या पर्यायी मार्गाचा वापर वाहनचालकांनी करावा, असे प्रशासनाने स्पष्ट केले आहे.

शासकीय व अत्यावश्यक सेवांची वाहने वगळता इतर सर्व वाहनचालकांनी पर्यायी मार्गाचा अवलंब करावा. मतमोजणीच्या (Someshwar Karkhana Election) कालावधीत संबंधित बंद मार्गावरून प्रवास करणे टाळावे आणि वाहतूक पोलिसांना सहकार्य करावे, असे आवाहन पोलिस प्रशासनाने केले आहे.