Sohail Afridi : पाकिस्तानातील खैबर पख्तुनख्वा प्रांताचे माजी मुख्यमंत्री सोहेल आफ्रिदी (Sohail Afridi) यांच्याविरोधात दहशतवादविरोधी न्यायालयाने आज अटक वॉरंट बजावले आहे. मे २०२३ मध्ये पेशावरमधील रेडिओ पाकिस्तानच्या इमारतीवर पीटीआयच्या कार्यकर्त्यांनीकडून झालेल्या हल्ल्याप्रकरणी हे अटक वॉरंट बजावण्यात आले आहे.

सोहेल आफ्रिदी (Sohail Afridi) यांच्याव्यतिरिक्त खैबर पख्तुनख्वा प्रांताचे माजी प्रांतीय मंत्री तैमूर सलीम झागरा आणि कमर बंगश आणि पक्षाचे नेते इरफान सलीम आणि आमिर खान चमकानी या पीटीआय पक्षाच्या अन्य चौघांविरोधात देखील अटक वॉरंट बजावण्यात आले आहे.

अध्यक्ष आसिफ अली झरदारी यांनी ११ ऑक्टोबर रोजी खैबर पख्तुनख्वा प्रांतात आणीबाणी लागू केली आणि राज्यपाल राजवट लागू केली आहे. राज्यात सुरक्षा व्यवस्था खालावली आणि राज्यातील सरकारकडून दहशतवादाला आळा घालण्यासाठी पुरेशी पावले उचलली गेली नसल्याचे कारण देऊन पाक सरकारने राज्य सरकार बरखास्त केले आहे.

पीटीआयच्या कार्यकर्त्यांनी रेडिओ पाकिस्तानच्या इमारतीत घुसून तोडफोड आणि जाळपोळ केली होती. या प्रकरणी काही जणांना अटक करण्यात आली आहे. तपास अधिकाऱ्यांनी १३ ऑक्टोबर रोजी दाखल केलेल्या पुरवणी आरोपपत्रामध्ये आफ्रिदी आणि पीटीआयच्या चौघांचा आरोपी म्हणून उल्लेख करण्यात आला आहे.

या संदर्भात न्यायालयाने तपासाचा भाग म्हणून नॅशनल डेटाबेस ऍन्ड रजिस्ट्रेशन ऍथोरिटी आणि पंजाबच्या (Sohail Afridi) फॉरेन्सिक सायन्स एजन्सीकडून ओळख पडताळणीचा अहवालही मागवला आहे.