मुंबई :राज्यात काही जिल्ह्यात कोरोनाची साखळी मोडण्यात यश आले आहे. मात्र, मुंबई, ठाणे, पुणे, नागपूर, औरंगाबाद आणि मालेगाव येथे कोरोना फैलाव मोठ्या प्रमाणात सुरुच असल्याचे चिंता व्यक्त करण्यात येत आहे. त्यामुळे कोरोनाचे निदान होण्यासाठी आणि कोरोना रोखण्यासाठी कोविड-१९ चाचण्यांची संख्या वाढविण्यावर भर देण्यात येत आहे. दरम्यान, राज्यात आतापर्यंत एक लाख कोरोनाच्या चाचण्या करण्यात आल्या आहेत. तर ९५७ रुग्ण ठणठणीत बरे झाले आहेत, अशी राज्याचे आरोग्य मंत्री राजेश टोपे यांनी दिली.

The current count of COVID19 patients in the state of Maharashtra is 6817 Today newly 394 patients have been identified as positive for Covid19. From these,957 Covid19 patients have been cured and discharged from the respective hospitals.#CoronaVirusUpdates #MeechMazaRakshak

— Rajesh Tope (@rajeshtope11) April 24, 2020

राज्यात कोरोनाबाधित ३९४ नवीन रुग्णांची शुक्रवारी नोंद झाली. यामुळे एकूण रुग्ण संख्या ६८१७ झाली आहे. काल ११७ रुग्णांना घरी सोडण्यात आले असून आतापर्यंत राज्यभरात ९५७ रुग्ण बरे झाले आहेत. तर एकूण ५५५९ रुग्णांवर उपचार सुरू आहेत, अशी माहिती  राजेश टोपे यांनी दिली.

आजपर्यंत पाठविण्यात आलेल्या १ लाख २ हजार १८९ नमुन्यांपैकी ९४ हजार ४८५ जणांचे प्रयोगशाळा नमुने करोना करता निगेटिव्ह आले आहेत तर ६८१७ जण पॉझिटिव्ह आले आहेत. सध्या राज्यात १ लाख १९ हजार १६१ लोक होम क्वारंटाईनमध्ये असून ८,८१४ लोक संस्थात्मक क्वारंटाईनमध्ये आहेत.