sikandar movie | सलमान खानच्या सिंकदर सिनेमाची जोरदार चर्चा आहे. हा सिनेमा ३० मार्च रोजी रिलीज करण्यात येणार आहे. सिनेमा रिलीज होण्यासाठी काहीच दिवस शिल्लक असताना सिंकदरचा फुल ट्रेलर रिलीज करण्यात येणार आहे. ट्रेलर रिलीजसाठी निर्मात्यांनी एका खास इव्हेंटचे आयोजन केले आहे. सिनेमा रिलीज होण्यासाठी काहीच दिवस शिल्लक आहेत. त्यामुळे सिनेमाच्या तिकीट बुकिंगला परदेशात सुरूवात झाली आहे. भारतात मात्र अॅडव्हान्स तिकीट विक्रीला सुरूवात झाली नसून येत्या काही दिवसात अॅडव्हान्स बुकिंगला सुरुवात होणार असल्याची माहिती मिळत आहे. ईदच्या मूहुर्तावर सलमान खानचा ‘सिकंदर’ सिनेमा रिलीज होण्यासाठी सज्ज आहे. या सिनेमाचे चाहते आतुरतेने वाट पाहत होते. अखेर सिंकदर रिलीज होत आहे. हा सिनेमा 30 मार्च रोजी प्रदर्शित होणार आहे. परदेशी बाजारात असा ट्रेंड आहे की सिनेमा प्रदर्शित होण्यापूर्वी आगाऊ बुकिंग सुरू होते. अनेक सिनेमांच्या आगाऊ बुकिंगला महिनाभर अगोदरच सुरूवात होते. प्रभासच्या ‘सालार’ सिनेमाच्या ॲडव्हान्स बुकिंग महिनाभरापूर्वी सुरूवात झाली होती. ‘द इकॉनॉमिक टाइम्स’ने दिलेल्या बातमीनुसार, ‘सिकंदर’ने अमेरिकेत आगाऊ बुकिंगमध्ये सुमारे 13 लाख रुपये कमावले आहेत. या सिनेमाचा टीझर आधीच रिलीज झाला आहे. सिनेमाचा टीझर प्रेक्षकांना प्रचंड आवडला आहे. या सिनेमातील जोहरा जबीन हे गाणंही रिलीज करण्यात आलं आहे. हे गाणंही लोकांमध्ये प्रचंड लोकप्रिय झालं आहे. ‘सिकंदर’मध्ये रश्मिका मंदान्ना, काजल अग्रवाल आणि शर्मन जोशी यांच्याही प्रमुख भूमिका आहेत. या सिनेमाचे दिग्दर्शन एआर मुरुगदास यांनी केले आहे. तर निर्मिती साजिद नाडियादवाला यांनी केली आहे. धमाकेदार ट्रेलर लॅान्च गेल्या काही दिवसांमध्ये सिंकदर सिनेमाचे काही टीझर रिलीज झाले. सिनेमात कोण कोण आहे हे देखील समजलं. मात्र, सिनेमाचा ट्रेलर सिनेमा रिलीज व्हायला अवघे काही दिवस शिल्लक असताना निर्मात्यांना अनोखी शक्कल लढवली आहे. मिळालेल्या माहितीनुसार, ‘सिकंदर’चे निर्माते चित्रपटाचा ट्रेलर मोठ्या धूमधडाक्यात आयपीएल सोहळ्यात रिलीज करणार आहेत.
