Shubman Gill completed 6000 runs record in T20 cricket : भारतीय क्रिकेटचा ‘प्रिन्स’ आणि गुजरात टायटन्सचा कर्णधार शुबमन गिलने टी-२० क्रिकेटमध्ये एक अत्यंत मानाची आणि मोठी कामगिरी आपल्या नावावर केली आहे. आयपीएल २०२६ च्या चेन्नई सुपर किंग्सविरुद्धच्या महत्त्वपूर्ण सामन्यात फलंदाजी करताना शुबमन गिलने टी-२० फॉरमॅटमध्ये ६,००० धावांचा टप्पा पार केला. या ऐतिहासिक टप्प्यापर्यंत पोहोचताना गिलने जागतिक क्रिकेटसह भारतीय क्रिकेटमधील अनेक दिग्गजांच्या पंक्तीत स्थान मिळवले आहे. सर्वात वेगवान ६ हजार धावा; विराट-राहुलच्या यादीत एन्ट्री! टी-२० क्रिकेटमध्ये सर्वात कमी डावांमध्ये ६,००० धावा पूर्ण करणाऱ्या फलंदाजांच्या जागतिक यादीत शुबमन गिल आता सातव्या स्थानावर पोहोचला आहे. त्याने हा टप्पा १८५ व्या डावात गाठला. जर भारतीय फलंदाजांचा विचार केला, तर गिल या यादीत तिसऱ्या स्थानावर आहे. भारताकडून सर्वात वेगवान ६ हजार धावा करण्याचा विक्रम केएल राहुलच्या (१६६ डाव) नावावर आहे, तर दुसऱ्या क्रमांकावर विराट कोहली (१८४ डाव) आहे. या यादीत वेस्ट इंडिजचा ख्रिस गेल (१६२ डाव) अव्वल स्थानावर असून पाकिस्तानचा बाबर आझम (१६५ डाव) दुसऱ्या स्थानावर आहे. Following the footsteps of the King, pacing his own path to greatness. 👑👉🕺 . . .#Cricket #KLRahul #ViratKohli #ShubmanGill pic.twitter.com/GqfOGmfQjh — OneCricket (@OneCricketApp) May 21, 2026 २३ चेंडूंत वादळी अर्धशतक अन् ख्रिस गेलच्या क्लबमध्ये एन्ट्री या सामन्यात शुबमन गिल कमालीच्या आक्रमक मूडमध्ये दिसला. त्याने अवघ्या २३ चेंडूंत आपले अर्धशतक पूर्ण केले. हे त्याच्या आयपीएल कारकिर्दीतील दुसरे सर्वात वेगवान अर्धशतक ठरले. यापूर्वी २०२३ मध्ये याच मैदानावर हैदराबादविरुद्ध त्याने २२ चेंडूंत अर्धशतक झळकावले होते. याशिवाय, वयाची २७ वर्षे पूर्ण होण्यापूर्वी टी-२० क्रिकेटमध्ये ६,००० धावा पूर्ण करणारा शुबमन गिल जगातील चौथा फलंदाज ठरला आहे. सध्या त्याचे वय २६ वर्षे २५५ दिवस आहे. गिलच्या आधी हा पराक्रम केवळ बाबर आझम, रहमानुल्लाह गुरबाज आणि विल जॅक्स यांनी केला होता. हेही वाचा – Gujarat Titans Dominate : टीम इंडियात ‘गुजरात टायटन्स’चा बोलबाला! अफगाणिस्तानविरुद्धच्या मालिकेत तब्बल ११ खेळाडूंचा समावेश ३७ चेंडूंत ६४ धावांचे योगदान – या सामन्यात टॉस गमावून प्रथम फलंदाजी करणाऱ्या गुजरात टायटन्सला शुभमन गिल आणि साई सुदर्शन या जोडीने १२५ धावांची दणदणीत सलामी दिली. कर्णधार गिल ३७ चेंडूंत ७ चौकार आणि ३ षटकारांच्या मदतीने ६४ धावांची शानदार खेळी करून बाद झाला. या खेळीदरम्यान त्याचा स्ट्राईक रेट १७२.९७ चा होता. या दोघांच्या वादळी खेळीच्या जोरावर गुजरात टायटन्सने ४ बाद २२९ धावांचा डोंगर उभारला.
