Shivendrasinhraje Bhosale – समाजासाठी झटून काम केल्यास ते चांगले काम होऊ शकते सेवा, सुरक्षा, संस्कार या ब्रीद वाक्यावर शिवबा ग्रुप भविष्यकाळात चांगले काम करेल, असा विश्वास सार्वजनिक बांधकाम मंत्री शिवेंद्रसिंहराजे भोसले यांनी व्यक्त केला. शिवबा ग्रुप यांच्या वतीने आयोजित बाबा राजे चषक क्रिकेट स्पर्धेचा बक्षीस वितरण सोहळा आणि शिवबा ग्रुपच्या स्थापनेला १५ वर्षे पूर्ण झाल्याच्या निमित्ताने “सेवा, सुरक्षा, संस्कार” या ब्रीदवाक्यासह नवीन लोगोचे अनावरण करण्यात आले. यावेळी जि. प. सदस्य सर्जेराव सावंत, पं. स. सदस्य प्रभाकर पवार व महेश गाडे यांचा सत्कार करण्यात आला. कार्यक्रमास रविराज किर्दत नगरसेवक, चंद्रकांत इंगवले ,दत्तात्रय इंगवले , संतोष इंगवले , मोहन इंगवले, बाळासाहेब पाटील, दीपक मेणकर, ॲड. विजय इंदलकर, महेश पाटील, रमेश इंदलकर,नंदकुमार इंगवले,मंगेश पाटील, आयुब मोकाशी, महेश टिळेकर, माजी मंडलाधिकारी संजय इंगवले, शिवबा ग्रुपचे अध्यक्ष सचिन इंगवले उपस्थित होते. स्पर्धेत प्रथम क्रमांक वीरू काळे मित्र परिवार, सैदापूर यांनी पटकावला, द्वितीय क्रमांक शिवबा क्रिकेट क्लब, तृतीय क्रमांक मोरया ११ सातारा तर चतुर्थ क्रमांक अतीत ११ संघाने मिळविला.यावेळी महाराष्ट्र कबड्डी संघातून कर्णधार म्हणून कांस्य पदक मिळविल्याबद्दल भैरवी रत्नदीप इंगवले हिचा सन्मानचिन्ह देऊन विशेष गौरव करण्यात आला. शिवबा ग्रुपचे अध्यक्ष सचिन लहुदास इंगवले यांच्या नेतृत्वाखाली प्रसाद इंगवले, प्रणव टिळेकर, संतोष इंगवले , सचिन इंगवले , जय टिळेकर, अक्षय इंगवले, विक्रम इंगवले, मारुती इंगवले व सहकाऱ्यांनी कार्यक्रमाचे यशस्वी आयोजन केले. सुनील मोरे पाटील यांनी सूत्रसंचालन केले. प्रसाद इंगवले यांनी आभार मानले.
