प्रभात वृत्तसेवा तळेगाव ढमढेरे – देशाचे ज्येष्ठ नेते खासदार शरदचंद्रजी पवार साहेब यांच्या ८५ व्या वाढदिवसानिमित्त श्री राहुल दादा करपे पाटील सोशल फाउंडेशन आणि ओम रक्तकेंद्र, शिरूर यांच्या संयुक्त विद्यमाने घोलपवाडी-टाकळी भीमा (ता. शिरूर) येथे भव्य रक्तदान शिबिराचे आयोजन करण्यात आले होते. या शिबिराला परिसरातील सर्व गावांमधील युवक आणि महिलांनी उत्स्फूर्त प्रतिसाद देत सामाजिक बांधिलकीचे दर्शन घडवले.या शिबिरात शेकडो रक्तदात्यांनी स्वेच्छेने रक्तदान केले. योगीराज उद्योग समूहाच्या संचालिका सारिकाताई राहुल करपे पाटील यांनी यावेळी बोलताना, रक्तदान हे सर्वश्रेष्ठ दान असून, त्यातून अनेक गरजू रुग्णांचे प्राण वाचू शकतात. मानवतेच्या उदात्त भूमिकेतून प्रत्येक सक्षम नागरिकाने नियमित रक्तदान केले पाहिजे, असे मत व्यक्त केले.या कार्यक्रमास शिरूर तालुका युवक राष्ट्रवादी काँग्रेसचे अध्यक्ष बच्चू घव्हाणे, जनसेवक तुकाराम डफळ, अनिल ढमढेरे, सचिन वाळके, ऋषी बांडे, भिमाजी कुदळे, विजय शिर्के, वैभव आरवडे, कैलास कुदळे, हरिभाऊ तोंडे, सागर होलगुंडे, प्रल्हाद दरेकर, सुभाष वडघुले, अक्षय घोलप, विनायक करपे, निलेश जगताप यांच्यासह अनेक मान्यवर, सामाजिक कार्यकर्ते व ग्रामस्थ उपस्थित होते.ओम रक्तकेंद्र, शिरूर यांच्या वैद्यकीय पथकाने शिस्तबद्ध पद्धतीने रक्तसंकलन केले. महिलांचा सहभाग विशेष उल्लेखनीय ठरला. शिबिर यशस्वी करण्यासाठी सर्व स्वयंसेवकांनी परिश्रम घेतले. उद्योजक राहुल करपे यांनी सर्वांचे आभार मानले.
