सोलापूर – स्वाभिमानी शेतकरी संघटना अध्यक्ष राजू शेट्टी ( Raju Shetty )यांनी शिंदे सरकारवर हल्लाबोल केला आहे. सोलापूरमध्ये स्वाभिमानी शेतकरी मेळाव्यात माध्यमांशी बोलतांना राजू शेट्टी यांनी गटार गंगेविषयी मी अधिक बोललो तर माझी जीभ विठळेल असं म्हणत शिंदे सरकारवर टीका केली आहे.

माध्यमांशी बोलतांना राजू शेट्टी म्हणाले,’मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार यांनी राज्याच्या राजकारणाची गटार गंगा केली आहे. या गटार गंगेविषयी मी अधिक बोललो तर माझी जीभ विठळेल.’ असं म्हणत शेट्टी यांनी शिंदे सरकारवर टीका केली.

राजू शेट्टी (Raju Shetty) पुढे म्हणाले, मुख्यमंत्री एकनाथ शिंदे यांना तीन वेळा भेटलो. पण काहीही उपयोग झाला नाही. कारखान्याच्या गोदामातील साखरदेखील बाहेर येऊन देणार नाही.कोल्हापुरात साखर अडवली जाऊ लागली आहे. आता आम्ही रस्त्यावरच्या लढाईला सुरुवात करणार आहोत. शेतकऱ्यांच्या घामाचा पैसा येणाऱ्या विधानसभा लोकसभा निवडणुकीत वापरु देणार नाही, असं शेट्टी म्हणाले.