मुंबई: ‘बिग बॉस’ फेम आणि बॉलिवूड तसेच दाक्षिणात्य चित्रपटांमधील प्रसिद्ध अभिनेत्री शिल्पा शिरोडकरच्या प्रकृतीबाबत मोठी बातमी समोर आली आहे. त्यांनी सोशल मीडियावर पोस्ट शेअर करत त्यांचा कोविड-19 चा अहवाल पॉझिटिव्ह आल्याची माहिती दिली आहे. अभिनेत्रीने सर्वांना सावध राहण्याचा आणि मास्क वापरण्याचा सल्ला दिला आहे. या बातमीने चित्रपटसृष्टीत खळबळ उडाली आहे.

2020 मध्ये आलेल्या कोविड-19 महामारीने जगभरात हजारो लोकांचा बळी घेतला. सध्या पुन्हा एकदा कोविड-19 च्या प्रकरणांमध्ये वाढ होत असल्याच्या बातम्या समोर येत आहेत. या पार्श्वभूमीवर शिल्पा शिरोडकर यांचा पॉझिटिव्ह अहवाल चिंतेचा विषय ठरला आहे. त्यांनी इंस्टाग्रामवर पोस्ट करत प्रकृतीबाबत माहिती दिली. “नमस्ते मित्रांनो, माझा कोविड चाचणी अहवाल पॉझिटिव्ह आला आहे. कृपया सर्वांनी सुरक्षित राहा आणि मास्क घाला,” असे त्यांनी लिहिले.

 

View this post on Instagram

 

A post shared by Shilpa Shirodkar Ranjit (@shilpashirodkar73)

या पोस्टनंतर चाहत्यांनी त्यांच्या लवकर बरे होण्यासाठी शुभेच्छा दिल्या आहेत, तर काहींनी पुन्हा कोविडच्या वाढत्या प्रकरणांबाबत चिंता व्यक्त केली आहे. बॉलिवूडमधील सेलिब्रिटींनीही यावर प्रतिक्रिया दिल्या आहेत. अभिनेत्री सोनाक्षी सिन्हाने आश्चर्य व्यक्त करत, “हे भगवान! शिल्पा, काळजी घे. लवकर बरी हो,” असे कमेंट केले. शिल्पा यांनी याबद्दल सोनाक्षीचे आभार मानले. अभिनेत्री इंदिरा कृष्णा यांनीही त्यांना काळजी घेण्याचा सल्ला देत लवकर बरे होण्याची प्रार्थना केली.

सिंगापूरमध्ये कोविड रुग्णसंख्येत वाढ –
सिंगापूरमधून समोर आलेल्या माहितीनुसार, तेथे कोविड-19 च्या रुग्णसंख्येत वाढ होत आहे. सिंगापूरच्या आरोग्य अधिकाऱ्यांनी सांगितले की, देशात पुन्हा एकदा कोविड प्रकरणांमध्ये वाढ दिसून येत आहे. मात्र, सध्या पसरत असलेला विषाणूचा प्रकार मागील प्रकारांपेक्षा अधिक संक्रामक किंवा घातक नसल्याचे त्यांनी स्पष्ट केले. आरोग्य मंत्रालय आणि संक्रामक रोग संस्थेच्या (सीडीए) निवेदनानुसार, २७ एप्रिल ते ३ मे या कालावधीत सुमारे १४,२०० नवे रुग्ण आढळले, तर मागील आठवड्यात ही संख्या ११,१०० होती.

शिल्पा शिरोडकर यांच्या प्रकृतीबाबत चाहते आणि चित्रपटसृष्टीतून लवकर बरे होण्याच्या शुभेच्छा व्यक्त होत असून, कोविड-19 च्या वाढत्या प्रकरणांमुळे सर्वांनी सावधगिरी बाळगण्याचे आवाहन करण्यात येत आहे.