Shefali Shah: बॉलिवूड अभिनेत्री शेफाली शाह (Shefali Shah) हिने नुकत्याच एका मुलाखतीत लग्न, नातेसंबंध आणि मुलांबद्दल स्पष्ट मत मांडले आहे. तिच्या काही वक्तव्यांमुळे सोशल मीडियावर मोठी चर्चा रंगली आहे. विशेषतः “मुलं जन्माला घालण्यापेक्षा कुत्रे पाळा” आणि “घाईत लग्न करू नका” या तिच्या विधानांनी अनेकांचे लक्ष वेधले. लिली सिंह हिच्यासोबतच्या संवादात शेफाली शाहने तरुण मुलींना आयुष्यातील मोठे निर्णय विचारपूर्वक घेण्याचा सल्ला दिला. तिच्या मते, कमी वयात लग्नाचा निर्णय घेणे योग्य नाही. “लहान वयात लग्न करू नका. त्या वयात स्वतःलाच आपण नीट ओळखत नसतो. त्यामुळे आधी लोकांना समजून घ्या, स्वतःला ओळखा आणि मगच लग्नाचा विचार करा,” असे ती म्हणाली. (Shefali Shah) तिने पुढे सांगितले की, लग्न ही फक्त एक रोमँटिक कल्पना नसून ती खूप जबाबदारीची गोष्ट आहे. “जर तुमचा लग्न या संस्थेवर विश्वास नसेल, तर कृपया लग्न करू नका. कारण नातं टिकवण्यासाठी खूप मेहनत घ्यावी लागते,” असेही तिने स्पष्टपणे म्हटले. तिच्या मते, भावनिकदृष्ट्या परिपक्व झाल्यानंतरच लग्नासारखा मोठा निर्णय घ्यावा. या चर्चेदरम्यान लिली सिंह हिने आपण ३७ वर्षांची असून अजून अविवाहित असल्याचे सांगितले. त्यावर शेफाली शाहने हलक्या-फुलक्या अंदाजात “मुलं जन्माला घालू नका, त्याऐवजी कुत्रे पाळा,” असे म्हटले. पुढे ती म्हणाली की, कुत्र्यांसारखे निःस्वार्थ प्रेम माणसाला क्वचितच कुठे मिळते. तिचे हे वक्तव्य विनोदी स्वरूपात असले तरी सोशल मीडियावर त्याची मोठी चर्चा सुरू झाली आहे. (Shefali Shah) Shefali Shah: ‘लग्न करायचं असेल तर विचार करून करा’; शेफाली शाहच्या वक्तव्याची सोशल मीडियावर जोरदार चर्चा शेफाली शाह हिच्या वैयक्तिक आयुष्याबद्दल बोलायचे झाले तर तिचे पहिले लग्न अभिनेता हर्ष छाया यांच्यासोबत झाले होते. मात्र काही वर्षांनंतर दोघे विभक्त झाले. त्यानंतर २००० मध्ये तिने दिग्दर्शक विपुल अमृतलाल शाह यांच्याशी लग्न केले. या दाम्पत्याला दोन मुले आहेत. (Shefali Shah) शेफालीला प्राण्यांविषयी विशेष प्रेम आहे. तिच्याकडे ‘ऐश’ आणि ‘सिम्बा’ नावाचे दोन सायबेरियन हस्की कुत्रे आहेत. ती अनेकदा सोशल मीडियावर त्यांच्या सोबतचे फोटो आणि व्हिडीओ शेअर करत असते. (Shefali Shah) वर्कफ्रंटबद्दल बोलायचे झाले तर शेफाली शाह नुकतीच ‘दिल्ली क्राइम’ या लोकप्रिय मालिकेच्या तिसऱ्या सीझनमध्ये दिसली होती. या मालिकेत हुमा कुरेशी, रसिका दुगल आणि राजेश तैलंग यांनीही महत्त्वाच्या भूमिका साकारल्या आहेत.
