Trisha Krishnan : अभिनेता ते राजकारणी असा प्रवास करणाऱ्या विजय थलपती यांनी आज तामिळनाडू राज्याच्या मुख्यमंत्री पदाची शपथ घेतली. टीव्हीके या विजय यांच्या पक्षाला या निवडणुकीत १०८ जागांवर विजय मिळाला. पण बहुमताचा आकडा गाठण्यासाठी मोठी कसरत विजय यांना करावी लागली आहे.

अखेर राज्यपालांकडून मंजुरी मिळाल्यानंतर टीव्हीके प्रमुख सी जोसेफ विजय यांनी आज रविवारी (10 मे 2026 ) सकाळी साडेदहा वाजता चेन्नईतील जवाहरलाल नेहरू स्टेडियम मध्ये तमिळनाडूचे मुख्यमंत्री म्हणून शपथ घेतील.

या पार्श्वभूमीवर चेन्नईतील जवाहरलाल नेहरू स्टेडियम परिसरात सकाळपासूनच मोठा जल्लोष पाहायला मिळाला. विजय यांच्या शपथविधी सोहळ्याला सुरुवात होताच त्यांच्या नावाने संपूर्ण परिसर दणाणून गेला.

या ऐतिहासिक सोहळ्याचे साक्षीदार होण्यासाठी विविध क्षेत्रातील लोकं सहभागी झाले होते. पण या सगळ्यात लक्ष वेधून घेतलं ते अभिनेत्री त्रिशा कृष्णनने.

शपथविधी सोहळा सुरू झाल्यानंतर ती शांत बसली होती. तिचा पेहराव अनेकांचे लक्ष तिच्याकडे विधून घेत होता. चेन्नईतील तिच्या घरातून बाहेर पडताना माध्यमांनी तिला तमिळनाडूसाठी हा मोठा दिवस आहे, काय वाटतंय? असा प्रश्न विचारला यावर त्रिशाने ‘ थँक्यू.. लुकिंग फॉरवर्ड “ एवढीच तीनच शब्दांची प्रतिक्रिया दिली.

या तीनच शब्दांच्या प्रतिक्रियेमुळे विजय आणि त्रिशा यांच्यातील नात्याविषयच्या गॅासिपला पुन्हा एकदा उधाण मिळाले आहे.

दरम्यान, विजय आणि त्रिशा ही तमिळ सिनेसृष्टीतील सुपरहिट जोडी मानली जाते. दोघांनी अनेक चित्रपटांमध्ये एकत्र काम केले आहे. दोघांच्याही चाहत्यांची संख्या मोठी आहे. आज तामिळनाडूसाठी मोठा ऐतिहासिक दिवस होता. विजय यांनी मुख्यमंत्रपदाची तर ९ आमदारांनी मंत्रीपदाची शपथ घेतली आहे.

हेही वाचा :  Thalapathy Vijay: ‘काळी पँट, पांढरा शर्ट…’ ; मुख्यमंत्रीपदाची शपथ घेण्यासाठी आलेल्या विजयच्या लूकचा अर्थ काय?, वाचा