Shashi Tharoor : आयएमटीच्या पदवीधरांनी यशाची व्याख्या केवळ (Shashi Tharoor) वैयक्तिक प्रगतीपुरती मर्यादित न ठेवता, तिचा विस्तार करावा. व्यवस्थापन शिक्षण हे समाजावर सकारात्मक आणि अर्थपूर्ण प्रभाव पाडण्याचा एक भक्कम पाया म्हणून मानले गेले पाहिजे. वेगाने बदलणाऱ्या जगात मूल्यांचे महत्त्व आजही अबाधित असून नैतिकता हेच एक प्रकारचे दीर्घकालीन भांडवल आहे, असे प्रतिपादन तिरुवनंतपुरमचे खासदार डॉ. शशी थरूर (Shashi Tharoor) यांनी केले. आयएमटी गाझियाबादने आपला २०२६ चा पदवीदान समारंभ आयोजित केला होता. त्यावेळी शशी थरूर बोलत होते. Shashi Tharoor Controversy । थरूर (Shashi Tharoor) पुढे म्हणाले की, पदवीधरांनी नफा, लोक आणि पृथ्वी या त्रिसूत्रीचा स्वीकार करावा. केवळ संपत्तीच्या संचयावर उभारलेली कारकीर्द कदाचित इतरांना प्रभावित करू शकेल; परंतु केवळ एखाद्या उदात्त उद्देशावर आधारित असलेली कारकीर्दच खऱ्या अर्थाने चिरस्थायी ठरते. सचोटी आणि प्रामाणिकपणा ही एक मोलाची धोरणात्मक संपत्ती आहे. तसेच, शिक्षण हे अनिश्चिततेपासून बचाव करणारे केवळ एक कवच नसून, ते सहानुभूती, धैर्य आणि सुज्ञ निर्णयांच्या आधारे योग्य दिशा दाखवणारा एक होकायंत्र आहे. मुख्य भाषण देताना, मुख्य मार्गदर्शक कमलनाथ यांनी पदवीधरांना त्यांच्या कामगिरीची सांगड एखाद्या उदात्त उद्देशाशी घालण्याचे आणि अनिश्चित काळात निर्णायकपणे कृती करण्याचे आवाहन केले. त्यांनी भविष्यातील नेत्यांसाठी तीन आवश्यक गुण अधोरेखित केले. कुतूहल, धैर्य आणि कर्तव्यनिष्ठा. आयएमटी गाझियाबादचे संचालक डॉ. आतिश चट्टोपाध्याय यांनी संस्था आणि समाजाला नव्याने आकार देणाऱ्या संरचनात्मक बदलांवर प्रकाश टाकला.
