Share Market 22 April: भारतीय शेअर बाजार सोमवारी, 22 एप्रिल रोजी सलग दुसऱ्या दिवशी उच्च पातळीवर बंद झाले. बाजारात चौफेर तेजी होती. सेन्सेक्सने 560 अंकांची उसळी घेतली. तर निफ्टी 22,300 च्या वर बंद झाला. त्यामुळे शेअर बाजारातील गुंतवणूकदारांच्या संपत्तीत एका दिवसात सुमारे 4.8 लाख कोटी रुपयांची वाढ झाली आहे.

ब्रॉडर मार्केटमध्येही जोरदार खरेदी दिसून आली. बीएसई मिडकॅप निर्देशांक 0.93 टक्क्यांच्या वाढीसह आणि स्मॉलकॅप निर्देशांक 1.26 टक्क्यांच्या वाढीसह बंद झाला. सर्व क्षेत्रीय निर्देशांकही हिरव्या रंगात राहिले. ऑटो, पीएसयू बँक, कॅपिटल गुड्स, ऑइल अँड गॅस, एफएमसीजी, फार्मा आणि रियल्टी निर्देशांक 1 ते 3 टक्क्यांच्या वाढीसह बंद झाले.

व्यवहाराच्या शेवटी, BSE सेन्सेक्स 560.29 अंकांनी किंवा 0.77% ने वाढून 73,648.62 वर बंद झाला. तर NSE चा 50 शेअर्सचा निर्देशांक निफ्टी 189.40 अंकांनी किंवा 0.86% ने वाढून 22,336.40 वर बंद झाला.

गुंतवणूकदारांनी कमावले ₹4.80 लाख कोटी –

BSE वर सूचीबद्ध कंपन्यांचे एकूण बाजार भांडवल आज 22 एप्रिल रोजी वाढून 398.25 लाख कोटी रुपयांवर पोहोचले, जे त्याच्या मागील ट्रेडिंग दिवशी म्हणजे शुक्रवार, 19 एप्रिल रोजी 393.45 लाख कोटी रुपये होते. अशा प्रकारे, BSE मध्ये सूचीबद्ध कंपन्यांचे मार्केट कॅप आज सुमारे 4.80 लाख कोटी रुपयांनी वाढले आहे. किंवा दुसऱ्या शब्दांत, गुंतवणूकदारांच्या संपत्तीत सुमारे 4.80 लाख कोटी रुपयांची वाढ झाली आहे.

सेन्सेक्सचे 5 सर्वाधिक वाढणारे समभाग –

बीएसई सेन्सेक्समधील 30 पैकी 25 शेअर्स आज वाढीसह बंद झाले. यामध्येही लार्सन अँड टुब्रो (एल अँड टी) च्या शेअर्समध्ये सर्वाधिक 2.67 टक्के वाढ झाली आहे. यानंतर, बजाज फायनान्स 2.36%, ॲक्सिस बँक 2.35%, अल्ट्राटेक सिमेंट 2.13%, आणि विप्रोचे शेअर्स 2.01% पर्यंत वाढले.

सेन्सेक्सचे सर्वाधिक घसरलेले 5 समभाग –

तर सेन्सेक्समधील उर्वरित 5 समभाग आज घसरणीसह बंद झाले. यामध्येही एनटीपीसीचे समभाग 2.24 टक्क्यांच्या घसरणीसह सर्वाधिक घसरले. याशिवाय JSW स्टील 1.17%, HDFC बँकेचे शेअर्स 1.24% इंडसइंड बॅंक 0.46% टाटा स्टीलचे शेअर्स 0.15% च्या घसरणीसह लाल रंगात बंद झाले.

2,064 समभागांमध्ये वाढ झाली –

बॉम्बे स्टॉक एक्स्चेंज (BSE) वर आज एकूण 2,622 समभागांची खरेदी-विक्री झाली. यापैकी 2,622 शेअर्स वाढीसह बंद झाले. 1,281 समभागांमध्ये घसरण दिसून आली. तर 154 समभाग कोणतीही हालचाल न करता फ्लॅट बंद झाले. याशिवाय आजच्या व्यवहारादरम्यान 238 समभागांनी त्यांच्या 52 आठवड्यांच्या उच्चांकाला स्पर्श केला. तर 17 समभागांनी त्यांच्या नवीन 52 आठवड्यांच्या नीचांकी पातळीला स्पर्श केला.