Share Market 15 May 2024: प्रचंड चढउतारांदरम्यान, बुधवारी (15 मे) रोजी सेन्सेक्स आणि निफ्टी लाल रंगात बंद झाले. सेन्सेक्स 117 अंकांनी घसरला. तर निफ्टी 22,200 च्या पातळीवर आला. लहान आणि मध्यम समभागात मात्र चांगली वाढ झाली. त्यामुळे शेअर बाजारातील गुंतवणूकदारांच्या संपत्तीत आज 2.36 लाख कोटी रुपयांची वाढ झाली आहे. बीएसई मिडकॅप निर्देशांक 0.60 टक्क्यांच्या वाढीसह आणि स्मॉलकॅप निर्देशांक 0.96 टक्क्यांच्या वाढीसह बंद झाला. कॅपिटल गुड्स, पॉवर आणि युटिलिटी समभागांमध्ये सर्वाधिक वाढ झाली.

व्यवहाराच्या शेवटी, बीएसई सेन्सेक्स 117.58 अंकांनी किंवा 0.16% घसरून 72,987.03 वर बंद झाला. तर NSE चा 50 शेअर्सचा निर्देशांक निफ्टी 17.30 अंक किंवा 0.078% च्या घसरणीसह 22,200.55 वर बंद झाला.

गुंतवणूकदारांनी कमावले ₹2.36 लाख कोटी –

BSE वर सूचीबद्ध कंपन्यांचे एकूण बाजार भांडवल आज 15 मे रोजी 404.26 लाख कोटी रुपयांपर्यंत वाढले, जे त्याच्या आधीच्या ट्रेडिंग दिवशी म्हणजेच मंगळवार, 14 मे रोजी 401.90 लाख कोटी रुपये होते. अशाप्रकारे, BSE मध्ये सूचीबद्ध कंपन्यांचे मार्केट कॅप आज 2.36 लाख कोटी रुपयांनी वाढले आहे. गुंतवणूकदारांच्या संपत्तीत सुमारे 2.36 लाख कोटी रुपयांची वाढ झाली आहे.

सेन्सेक्सचे 5 सर्वाधिक वाढणारे समभाग –

बीएसई सेन्सेक्समधील 30 पैकी 13 शेअर्स आज वाढीसह बंद झाले. त्यातही भारती एअरटेलच्या शेअर्समध्ये सर्वाधिक 2.05 टक्क्यांनी वाढ झाली. यानंतर पाॅवर ग्रीड, एनटीपीसी, महिंद्रा अॅण्ड महिंद्रा, एचसीएल टेक हे शेअर्स 0.97% ते 1.88% च्या वाढीसह बंद झाले.

सेन्सेक्सचे सर्वाधिक घसरलेले 5 समभाग –

तर सेन्सेक्समधील उर्वरित 17 समभाग आज घसरणीसह बंद झाले. यामध्येही एशियन पेंट्स चे शेअर्स सर्वाधिक 1.84 टक्क्यांनी घसरले. याशिवाय टाटा मोटर्स, एचडीएफसी बॅंक, जेडब्ल्यू एस स्टील, सन फार्माचे समभाग 1.19% ते 1.81% घसरून लाल रंगात बंद झाले.