मुंबई – सरलेले 2024 वर्ष शेअर बाजार निर्देशांकासाठी मोठ्या चढ-उताराचे ठरले. पहिल्या सहामाहित भारताचा विकास दर जास्त होता. त्याचबरोबर अमेरिकेने व्याजदरात तब्बल अर्धा टक्के कपात केली होती. परिणामी 27 सप्टेंबर रोजी मुंबई शेअर बाजाराचा निर्देशांक सेन्सेक्स 85,978 या विक्रमी पातळीवर गेला. त्याच दिवशी राष्ट्रीय शेअर बाजाराचा निर्देशांक निफ्टी 26,277 या विक्रमी पातळीवर गेला. आता यामध्ये बरीच घट झाली आहे. सरलेल्या पूर्ण वर्षात सेन्सेक्स केवळ 8.16 टक्क्यांनी म्हणजे 5,898 अंकांनी तर निफ्टी 8.80 टक्क्यानी म्हणजे 1,913 अंकांनी वाढला आहे. शेवटच्या तिमाहीत बर्याच नकारात्मक घटना घडल्या. दुसर्या तिमाईचा विकासदर कोसळला. इस्त्रायल- ईराणेचे संबंध अधिक बिघडले. अमेरिकेच्या अध्यक्षस्थानी डोनाल्ड ट्रम्प निवडून आल्यानंतर त्यांनी व्यापार युद्धाची घोषणा केली. परिणामी डॉलर वधारल्यामुळे परदेशी गुंतवणूक परत गेली. या कारणामुळे गेल्या तीन महिन्यात शेअर निर्देशांकांची बरीच पीछेहाट झाली. या वर्षाच्या शेवटच्या दिवशी शेअर बाजारात नकारात्मक परिस्थिती कायम होती. 31 डिसेंबर रोजी सेन्सेक्स 109 अंकांनी कमी होऊन 78,139 अंकावर बंद झाला. निफ्टी शेवटच्या दिवशी 0.10 अंकांनी कमी होऊन 23,644 अंकावर बंद झाला. जागतिक बाजारात सध्या सुट्याचा हंगाम चालू आहे. मात्र जे शेअर बाजार चालू आहेत तेथील शेअर बाजाराचे निर्देशांक कमी होत आहेत. अगोदर अमेरिकन शेअर बाजार निर्देशांक वाढत होते. मात्र आता अमेरिकेच्या शेअर बाजाराचे निर्देशांकही परतीच्या प्रवासावर आहते. भारतीय निर्देशांकासाठी आणखी एक नकारात्मक बाब म्हणजे गेल्या आठवड्यापासून खनिज तेलाचे दर वाढत आहेत. GDP growth | पुढील 6 महिन्यात विकास दर वाढण्यासाठी पूरक परिस्थिती – गव्हर्नर संजय मल्होत्रा डॉलर बळकट होत असताना आणि रुपया घसरत होत असतानाच खनिज तेलाचे दर वाढत आहेत. त्यामुळे भारताला आयात महागात पडणार आहे. यामुळे गुंतवणूकदार निराश झाले आहेत असे विश्लेषकांनी सांगितले. त्यातच परदेशी गुंतवणूकदाराकडून विक्री चालूच असून सोमवारी या गुंतवणूकदारांनी 1,893 कोटी रुपयांच्या शेअरची विक्री केली. अशा परिस्थितीत लघु ते मध्यम पल्ल्यात शेअर बाजारात नकारात्मक परिस्थिती राहण्याची जास्त शक्यता व्यक्त करण्यात येत आहे.
