मुंबई: दिवाळीच्या शुभ मुहूर्तावर झालेल्या मूहूर्त ट्रेडिंग सत्र २०२५ मध्ये भारतीय शेअर बाजाराने सकारात्मक नोंदणीसह नवीन संवत वर्ष २०८२ ची सुरुवात केली आहे. गुंतवणूकदारांनी उत्साहाने खरेदी केल्यामुळे बाजार हिरव्या निशाणावर बंद झाला.

या विशेष ट्रेडिंग सत्रात सेन्सेक्स ६२.९७ अंकांच्या माफक वाढीसह ८४,४२६.३४ पातळीवर स्थिरावला, तर निफ्टी २५.४५ अंकांनी वाढून २५,८६८.६ वर बंद झाला.

मिड-स्मॉलकॅपमध्ये जोरदार खरेदी –
बाजारातील सकारात्मकता मिड आणि स्मॉलकॅप शेअर्समध्ये प्रकर्षाने दिसून आली. निफ्टी मिडकॅप ६५.०५ अंकांनी वधारून ५९,४०९.५५ वर बंद झाला आणि निफ्टी स्मॉलकॅप ९४.५० अंकांची वाढ नोंदवत १८,३००.६५ पातळीवर पोहोचला.

सेक्टोरल इंडेक्समध्ये संमिश्र कल दिसून आला. निफ्टी आयटी ७.१५ अंकांच्या तेजीसह ३५,२९९.७५ वर बंद झाला, मात्र निफ्टी बँक मध्ये २६ अंकांची किरकोळ घसरण होऊन तो ५८,००७.२० वर स्थिरावला. गुंतवणूकदारांचा खरेदीचा जोर विशेषतः मीडिया, मेटल आणि फार्मा शेअर्समध्ये राहिला, ज्यामुळे हे क्षेत्र आजचे टॉप गेनर ठरले. याउलट, रियल्टी आणि फार्मा सेक्टरमध्ये किरकोळ घसरण दिसून आली.

मुहूर्त ट्रेडिंग टॉप गेनर (Top Gainers)
बाजारात आज बजाज फिनसर्व्ह मध्ये सर्वाधिक तेजी नोंदवली गेली. हा शेअर १.११% वाढून ₹२,१६३.१५ वर बंद झाला.

कंपनी	वाढ (%)	बंद भाव (₹)
बजाज फिनसर्व्ह	१.११%	२,१६३.१५
इन्फोसिस	०.७२%	१,४७२.००
ॲक्सिस बँक	०.६४%	१,२३४.००
महिंद्रा अँड महिंद्रा (M&M)	०.६०%	–
टाटा मोटर्स	०.५५%	४०१.९०

 

याव्यतिरिक्त, एचडीएफसी बँक (०.४०%), पॉवर ग्रिड (०.३८%), एल अँड टी (०.३४%), अदाणी पोर्ट्स (०.२८%), बीईएल (०.२६%), आणि एसबीआय (०.०७%) मध्येही किरकोळ वाढ दिसून आली. सन फार्मा (०.०९%) आणि टेक महिंद्रा (०.१२%) देखील तेजीसह बंद झाले.

मुहूर्त ट्रेडिंग टॉप लूजर (Top Losers)
काही बड्या शेअर्समध्ये मात्र आज किंचितशी घसरण नोंदवण्यात आली.

कंपनी	घसरण (%)	बंद भाव (₹)
कोटक महिंद्रा बँक	०.७२%	२,१९२.९५
एचसीएल टेक	०.६५%	१,४८६.००
आयसीआयसीआय बँक	०.६३%	१,३८२.२०
मारुती सुझुकी	०.४६%	१६,३४६.०५
भारती एअरटेल	०.३९%	२,०४३.३५

 

रिलायन्स इंडस्ट्रीज आणि आयटीसी ०.११% ने घसरले, तर अल्ट्राटेक सिमेंट (०.२१%), एशियन पेंट्स (०.२२%) आणि टीसीएस (०.२३%) मध्येही किरकोळ कमजोरी दिसली.

गुंतवणूकदारांनी नवीन संवत वर्षाची सुरुवात आशावादी वातावरणात केली असून पुढील ट्रेडिंग सत्रांसाठी सकारात्मक संकेत दिले आहेत.