Share Market Today: आज 18 डिसेंबरला शेअर बाजार सलग तिसऱ्या दिवशी घसरणीसह बंद झाला. सेन्सेक्स 502 अंकांनी घसरला. तर निफ्टी 24,200 च्या खाली घसरला. त्यामुळे आज गुंतवणूकदारांचे सुमारे 2.38 लाख कोटी रुपयांचे नुकसान झाले.

मिडकॅप आणि स्मॉलकॅप निर्देशांकही अर्ध्या टक्क्यांहून अधिक घसरले. ट्रम्प यांच्या परस्पर कर (Reciprocal tax) लादण्याची धमकी, फेडरल रिझर्व्हच्या बैठकीच्या निकालाबाबतची अनिश्चितता आणि FII ची तीव्र विक्री यामुळे गुंतवणूकदारांची भावना कमकुवत राहिली, असे बाजारातील तज्ज्ञांचे म्हणणे आहे. गुंतवणूकदारांचे संपूर्ण लक्ष फेडरल रिझर्व्हचे अध्यक्ष जेरोप पॉवेल यांच्या विधानावर आहे.

व्यवहाराच्या शेवटी, BSE सेन्सेक्स 502.25 अंकांनी किंवा 0.62 टक्क्यांनी घसरून 80,182.20 वर बंद झाला. तर NSE चा 50 शेअर्सचा निर्देशांक निफ्टी 137.15 अंकांनी किंवा 0.56 टक्क्यांनी घसरला आणि 24,198.85 च्या पातळीवर बंद झाला.

गुंतवणूकदारांचे 2.38 लाख कोटी रुपयांचे नुकसान –

BSE वर सूचीबद्ध कंपन्यांचे एकूण बाजार भांडवल आज 18 डिसेंबर रोजी 452.75 लाख कोटी रुपयांपर्यंत खाली आले, जे त्याच्या आधीच्या ट्रेडिंग दिवशी म्हणजे मंगळवार, 17 डिसेंबर रोजी 455.13 लाख कोटी रुपये होते. अशा प्रकारे, BSE मध्ये सूचीबद्ध कंपन्यांचे मार्केट कॅप आज सुमारे 2.38 लाख रुपयांनी कमी झाले आहे. किंवा दुसऱ्या शब्दांत, गुंतवणूकदारांच्या संपत्तीत सुमारे 2.38 लाख कोटी रुपयांची घट झाली आहे.

या 5 सेन्सेक्स समभागांमध्ये सर्वाधिक वाढ –

बीएसई सेन्सेक्समधील 30 पैकी 8 शेअर्स हिरव्या रंगात म्हणजेच वाढीसह बंद झाले. यामध्ये टाटा कन्सल्टन्सी सर्व्हिसेस (TCS) च्या शेअर्समध्ये सर्वाधिक 0.71 टक्के वाढ झाली आहे. यानंतर रिलायन्स इंडस्ट्रीज (RIL), सन फार्मा, टेक महिंद्रा आणि महिंद्रा अँड महिंद्रा (M&M) चे समभाग 0.39 ते 0.67 टक्क्यांच्या वाढीसह बंद झाले.

सेन्सेक्सचे हे 5 समभाग सर्वाधिक घसरले –

सेन्सेक्समधील उर्वरित 22 समभाग आज घसरणीसह बंद झाले. यामध्येही टाटा मोटर्सचे शेअर्स 2.75 टक्क्यांच्या घसरणीसह सर्वाधिक घसरले. त्याच वेळी, पॉवर ग्रिड, एनटीपीसी, अदानी पोर्ट्स आणि जेएसडब्ल्यू स्टीलचे शेअर्स 1.61 टक्क्यांनी 2.42 टक्क्यांनी घसरले.