Share Market Crash: भारतीय शेअर बाजारात आज 6 जानेवारीला मोठी घसरण झाली. देशात कोरोनासारख्या नवीन एचएमपीव्ही विषाणूचा धोका, तिमाही निकालांबाबत वाढती भीती आणि कमकुवत जागतिक संकेत यामुळे दलाल स्ट्रीटवर गोंधळाचे वातावरण होते. सेन्सेक्स 1,258 अंकांच्या घसरणीसह बंद झाला. तर निफ्टीने डुबकी घेतली आणि 23,600 च्या जवळ आला.

या मोठ्या घसरणीमुळे गुंतवणूकदारांचे एकाच दिवसात सुमारे 10.83 लाख कोटी रुपयांचे नुकसान झाले. ब्रॉडर मार्केटची अवस्था तर आणखी वाईट होती. बीएसई मिडकॅप निर्देशांक 2.44 टक्क्यांनी घसरला, तर स्मॉलकॅप निर्देशांक 3.17 टक्क्यांनी घसरला. बीएसईचे सर्व क्षेत्रीय निर्देशांकही लाल रंगात बंद झाले. युटिलिटी, मेटल, रियल्टी, पॉवर आणि ऑइल अँड गॅस समभागांमध्ये सर्वाधिक घसरण दिसून आली.

व्यवहाराच्या शेवटी, बीएसई सेन्सेक्स 1,258.12 अंकांनी किंवा 1.59 टक्क्यांनी घसरून 77,964.99 वर बंद झाला. तर NSE चा 50 शेअर्सचा निर्देशांक निफ्टी 388.70 अंकांनी किंवा 1.62 टक्क्यांनी घसरला आणि 23,616.05 च्या पातळीवर बंद झाला.

गुंतवणूकदारांचे 10.83 लाख कोटी रुपयांचे नुकसान –

BSE वर सूचीबद्ध कंपन्यांचे एकूण बाजार भांडवल आज 6 जानेवारी रोजी 439.03 लाख कोटी रुपयांवर खाली आले, जे त्याच्या आधीच्या ट्रेडिंग दिवशी म्हणजे शुक्रवार, 3 जानेवारी रोजी 449.78 लाख कोटी रुपये होते. अशाप्रकारे, BSE मध्ये सूचीबद्ध कंपन्यांचे मार्केट कॅप आज सुमारे 10.83 लाख कोटी रुपयांनी कमी झाले आहे. किंवा दुसऱ्या शब्दांत, गुंतवणूकदारांच्या संपत्तीत सुमारे 10.83 लाख रुपयांची घट झाली आहे.

सेन्सेक्सचे हे 5 समभाग सर्वाधिक घसरले –

तर सेन्सेक्समधील 27 समभाग आज घसरणीसह बंद झाले. यामध्येही टाटा स्टीलचे समभाग 4.41 टक्क्यांच्या घसरणीसह सर्वाधिक घसरले. तर एनटीपीसी, कोटक महिंद्रा बँक, पॉवर ग्रिड आणि झोमॅटोचे समभाग 2.95 ते 3.65 टक्क्यांनी घसरले.

सेन्सेक्सचे केवळ 3 समभाग हिरव्या रंगात बंद –

बीएसई सेन्सेक्सच्या 30 पैकी 3 शेअर्स हिरव्या रंगात म्हणजेच वाढीसह बंद झाले. यामध्ये टायटनच्या शेअर्समध्ये सर्वाधिक 0.60 टक्के वाढ झाली. यानंतर एचसीएल टेक आणि सन फार्माचे शेअर्स अनुक्रमे 0.26 टक्के आणि 0.01 टक्क्यांनी वाढून बंद झाले.

सेन्सेक्सच्या उर्वरित समभागांची स्थिती –