Share Market : सोमवारच्या प्रचंड घसरणीनंतर भारतीय शेअर बाजारांनी आज 7 जानेवारी रोजी पुनरागमन केले. सेन्सेक्स 234 अंकांनी वाढून बंद झाला. तर निफ्टीने 23,700 चा टप्पा पार केला. आजच्या व्यवहारादरम्यान, धातू, ऊर्जा आणि तेल आणि वायू समभागांमध्ये सर्वाधिक वाढ दिसून आली. तथापि, गुरुवारी येणाऱ्या टीसीएसच्या आगामी तिमाही निकालांपूर्वी, आयटी समभागांमध्ये विक्रीचा दबाव दिसून आला. ब्रॉडर मार्केटमध्येही हिरवाई पाहायला मिळाली. BSE मिडकॅप निर्देशांक 0.77 टक्क्यांनी वाढून बंद झाला. तर स्मॉलकॅप निर्देशांक 1.74 टक्क्यांनी वाढला.

व्यवहाराच्या शेवटी, बीएसई सेन्सेक्स 234.12 अंकांनी किंवा 0.30 टक्क्यांनी वाढून 78,199.11 वर बंद झाला. दरम्यान, NSE चा 50 शेअर्सचा निर्देशांक निफ्टी 91.85 अंकांनी किंवा 0.39 टक्क्यांनी वाढून 23,707.90 वर बंद झाला.

या 5 सेन्सेक्स समभागांमध्ये सर्वाधिक वाढ –

आज BSE सेन्सेक्सच्या 30 पैकी 20 शेअर्स हिरव्या रंगात म्हणजेच वाढीसह बंद झाले. यामध्ये टाटा मोटर्सच्या शेअर्समध्ये सर्वाधिक 2.25 टक्के वाढ झाली आहे. यानंतर रिलायन्स इंडस्ट्रीज (आरआयएल), इंडसइंड बँक, आयसीआयसीआय बँक आणि एशियन पेंटचे समभाग 1.10 ते 1.86 टक्क्यांच्या वाढीसह बंद झाले.

सेन्सेक्सचे हे 5 समभाग सर्वाधिक घसरले –

तर सेन्सेक्समधील उर्वरित 10 समभाग आज घसरणीसह बंद झाले. यामध्येही झोमॅटोचे शेअर 4.59 टक्क्यांच्या घसरणीसह सर्वाधिक घसरले. तर एचसीएल टेक, टाटा कन्सल्टन्सी सर्व्हिसेस (टीसीएस), टेक महिंद्रा आणि इन्फोसिसचे शेअर्स 0.39 टक्क्यांवरून 1.73 टक्क्यांनी घसरले.

सेन्सेक्सच्या उर्वरित समभागांची स्थिती –