Share Market Closing 18 Oct 2024: बँकिंग समभागांमध्ये जोरदार खरेदी आणि जागतिक बाजारातील मजबूत कल यामुळे बेंचमार्क निर्देशांक सेन्सेक्स आणि निफ्टीने तीन दिवसांच्या घसरणीनंतर शुक्रवारी पुन्हा उसळी घेतली. सुरुवातीच्या निचांकीतून सावरताना BSE सेन्सेक्स 218.14 अंकांनी किंवा 0.27 टक्क्यांनी वाढून 81,224.75 वर बंद झाला. व्यापारादरम्यान तो 384.54 अंकांनी किंवा 0.47 टक्क्यांनी वाढून 81,391.15 वर पोहोचला होता.

NSE निफ्टी 104.20 अंकांनी किंवा 0.42 टक्क्यांनी वाढून 24,854.05 वर बंद झाला. याशिवाय देशांतर्गत संस्थागत गुंतवणूकदारांनी केलेल्या खरेदीनेही बाजारातील सुधारणांना आधार दिला. सेन्सेक्समधील 30 कंपन्यांपैकी ॲक्सिस बँकेच्या समभागांनी जवळपास 6 टक्क्यांनी झेप घेतली, कारण सप्टेंबर तिमाहीत कंपनीचा एकत्रित निव्वळ नफा 19.29 टक्क्यांनी वाढून 7401.26 कोटी रुपयांवर पोहोचला आहे.

आयसीआयसीआय बँक, टाटा मोटर्स, टाटा स्टील, एनटीपीसी, जेएसडब्ल्यू स्टील, स्टेट बँक ऑफ इंडिया आणि अदानी पोर्ट्स हे इतर शेअरही आज वाढीसह बंद झाले.

तर दुसरीकडे दुसऱ्या तिमाहीतील कमाई गुंतवणूकदारांना खूश करण्यात अयशस्वी झाल्यामुळे ब्लू-चिप कंपन्यांमध्ये इन्फोसिसचे समभाग 4 टक्क्यांहून अधिक घसरले. एशियन पेंट्स, नेस्ले, टेक महिंद्रा, एचसीएल टेक्नॉलॉजीज, हिंदुस्तान युनिलिव्हर आणि आयटीसी हे शेअर्सचे आज घसरणीसह बंद झाले.

एक्सचेंज डेटानुसार, परदेशी संस्थात्मक गुंतवणूकदारांनी (एफआयआय) गुरुवारी 7,421.40 कोटी रुपयांचे समभाग विकले. तथापि, DII ने 4,979.83 कोटी रुपयांचे शेअर्स खरेदी केले. आशियाई बाजारात टोकियो, शांघाय आणि हाँगकाँगचे भाव वाढले, तर सोलमध्ये घसरण झाली.

युरोपीय बाजार सकारात्मक क्षेत्रात व्यवहार करत होते. गुरुवारी, अमेरिकन बाजार मुख्यतः वाढीसह बंद झाले. जागतिक तेल बेंचमार्क ब्रेंट क्रूड 0.07 टक्क्यांनी घसरून 74.40 डॉलर प्रति बॅरलवर आले.

गुरुवारी बीएसई सेन्सेक्स 494.75 अंकांनी किंवा 0.61 टक्क्यांनी घसरून 81,006.61 वर बंद झाला होता. व्यवहारादरम्यान, तो 595.72 अंकांनी किंवा 0.73 टक्क्यांनी घसरून 80,905.64 अंकांवर आला होता. NSE निफ्टी 221.45 अंकांनी किंवा 0.89 टक्क्यांनी घसरून 24,749.85 वर आला होता.