पुणे : राष्ट्रवादीचे अध्यक्ष शरद पवार, ज्येष्ठ नेते विजयसिंह मोहिते पाटील आणि भाजप नेते हर्षवर्धन पाटील हे बुधवारी पुण्यात झालेल्या कार्यक्रमात  एकाच व्यासपीठावर दिसले.

विशेष म्हणजे, माजी मंत्री मोहिते पाटील यांचा मुलगा 2019 च्या लोकसभा निवडणुकीच्या अगोदर भाजपमध्ये दाखल झाला होता. काँग्रेसचे हर्षवर्धन पाटील पूर्वी कॉंग्रेसमध्ये होते. नंतर त्यांनी काँग्रेसला सोडचिट्ठी देत भाजपमध्ये प्रवेश केला होता. ऑक्टोबरमध्ये झालेल्या विधानसभा निवडणुकीत त्यांचा पराभव झाला होता. वसंतदादा साखर संस्थेच्या वार्षिक महासभेत हे तिन्ही नेते मार्गदर्शन करताना एका मंचावर आले होते. पवार हे या संस्थेचे अध्यक्ष आहेत.

राष्ट्रवादी कॉंग्रेसचे नेते अजित पवार हे हर्षवर्धन पाटील यांच्यासमवेत कार्यक्रमात बोलताना दिसले. शरद पवार यांच्याशी झालेल्या संभाषणाबाबत विचारले असता हर्षवर्धन पाटील म्हणाले की, आमच्यात राजकारणावर कोणतीही चर्चा झाली नाही, पवार फक्त शेतीविषयक मुद्द्यांविषयी बोलले. लोकसभा निवडणुकीपूर्वी मोहिते पाटील यांचा मुलगा रणजितसिंग मोहिते यांनी भाजपमध्ये प्रवेश केला. या नंतर पवार यांच्याशी त्यांचे संबंध ताणल्या गेले होते.