शरद पवार कोल्हापुरात दाखल; महाघाडीच्या नेत्यांशी चर्चा करणार

कोल्हापूर: राष्ट्रवादी काँग्रेस पक्षाचे अध्यक्ष खासदार शरद पवार आज कोल्हापूर जिल्ह्याच्या दौऱ्यावर आले आहेत. पुण्याहून हेलिकॉप्टरने त्यांचे कोल्हापूरमध्ये आगमन होताच राष्ट्रवादीचे पदाधिकाऱ्यांनी त्यांचे पुष्पगुच्छ देऊन स्वागत केले. यानंतर हॉटेल पंचशील येथे त्यांचं आगमन झालं. यावेळी कोल्हापूर जिल्ह्याच्या वतीने आमदार हसन मुश्रीफ महापौर सरिता मोरे यांनी त्यांचे पुष्पगुच्छ देऊन स्वागत केले. लोकसभा निवडणुकीच्या पार्श्वभूमीवर शरद पवार यांची ही भेट कोल्हापूर जिल्ह्यातल्या आणि राष्ट्रवादीच्या कार्यकर्त्यांसाठी महत्त्वाची मानली जात आहे.

सध्या कोल्हापुरात राष्ट्रवादीचे खासदार आणि लोकसभेचे उमेदवार धनंजय महाडिक आणि काँग्रेसचे विधान परिषदेचे आमदार सतेज पाटील यांच्या मध्ये असलेले वाद सुद्धा मिटवण्याच्या उद्देशाने शरद पवार कोल्हापुरात आल्याचं बोललं जातंय. आज दिवसभर शरद पवार कोल्हापुरातील काँग्रेस-राष्ट्रवादीच्या नेत्यांची बैठक घेणार आहेत. तसेच जिल्ह्यातील पदाधिकाऱ्यांशी चर्चा करून राष्ट्रवादीच्या कार्यकर्त्यांचा मेळाव्याला संबोधित करणार आहेत. या दरम्यान दिवसभरात सतेज पाटील यांची सुद्धा भेट होणार असल्याची माहिती सूत्रांनी दिली आहे. नुकतंच सताऱ्यामध्ये उदयनराजे भोसले आणि आमदार शिवेंद्रराजे यांच्यातील वाद संपुष्टात आल्याने आता शरद पवारांनी आता संपूर्ण लक्ष कोल्हापूर केंद्रित केल्याच दिसून येत आहे. त्यामुळं आगामी काळात कोल्हापुरातील काँग्रेस राष्ट्रवादीमधील काही नेत्यांमधील वाद मिटून दिल जमाई होण्याची शक्यता यानिमित्तान निर्माण झाली आहे.

डिजिटल प्रभातचे टेलिग्राम जॉईन करण्यासाठी येथे क्लिक करा

You might also like

Leave A Reply

Your email address will not be published.