sharad pawar  – एकीकडे मराठा आरक्षणाचा मुद्दा राज्यात चर्चेत आहे, तर दुसरीकडे या मुद्द्यावरून सुरू असलेले राजकारण थांबण्याची चिन्हे दिसत नाहीये. या मुद्द्यावरून आंदोलन करणारे मनोज जरंगे यांनी मराठ्यांना कुणबी प्रमाणपत्र द्यावे आणि मराठ्यांना ओबीसीतून आरक्षण द्यावे, अशी मागणी केली आहे. अशात आता राष्ट्रवादी काँग्रेसचे अध्यक्ष शरद पवार यांच्या नावाचे प्रमाणपत्र सोशल मीडियावर व्हायरल होत आहे. या व्हायरल डॉक्युमेंटमध्ये शरद पवार यांचा वर्ग ओबीसी असल्याचे दाखवण्यात आले आहे.

यावर आज राष्ट्रवादीचे सर्वेसर्वा शरद पवार यांनी दिवाळी पाडव्यानिमित्ताने मीडियाशी बोलतांना आपली भूमिका स्पष्ट केली. ते म्हणाले,’ तो दाखला मी बघितला. मराठा एज्यूकेशन सोसायटीचं हायस्कूल आहे. तिथे माझं शिक्षण झालं. तो दाखला खरं आहे. त्यातील जात, धर्म वगैरे लिहिलेल्या गोष्टी खऱ्या आहेत. पण काही लोकांनी दुसरा दाखला फिरवला. आणि माझ्या पुढे ओबीसी लिहिलं. मला ओबीसी वर्गाबद्दल आदर आणि अस्था आहे. ‘ असं म्हणत  त्यांनी सडेतोड उत्तर दिलं.

ते पुढे म्हणाले, ‘माझी जात कोणती आहे हे सर्वांना माहीत आहे. जन्माने जी प्रत्येकाची जात असते ती लपूच शकत नाही, असा शब्दात शरद पवार यांनी टीकाकारांचे कान टोचले आहेत.’

दरम्यान,  राज्यात सुरू असलेल्या मराठा आंदोलनाला शरद पवार यांनी पाठिंबा दिला असून मराठ्यांना आरक्षण देण्यासाठी राज्य सरकारने प्रयत्न करावेत, अशी मागणी केली आहे. त्याचबरोबर मराठ्यांना कुणबी प्रमाणपत्र मिळावे आणि ओबीसींना आरक्षण द्यावे, अशी मागणी मनोज जरंगे यांनी केली आहे. असे असताना त्यांना ओबीसी आरक्षणाचा लाभ आधीच मिळत असल्याचे दाखविण्याचा प्रयत्न केला जात आहे.

या दस्तऐवजाची वास्तविकता काय ?
वृत्तानुसार, खासदार सुप्रिया सुळे यांनी शरद पवार यांचे व्हायरल झालेले प्रमाणपत्र बनावट असल्याचे म्हटले आहे. कोणीतरी हे मुद्दाम करत असल्याचा दावाही त्यांनी केला आहे.

काय आहे शरद पवारांच्या व्हायरल सर्टिफिकेटमध्ये?
ओबीसींचा उल्लेख असलेले शरद पवारांचे डॉक्युमेंट संघ आणि भाजप जाणीवपूर्वक व्हायरल करत असल्याचा आरोप संभाजी ब्रिगेडने केला आहे. संभाजी ब्रिगेडने शरद पवारांना मराठा म्हणणारा दस्तावेज समोर आणला आहे. पवार यांच्या शाळेच्या प्रमाणपत्रात मराठा असा उल्लेख असताना काही लोक जाणीवपूर्वक त्यांची बदनामी करण्याचा प्रयत्न करत आहेत.

ओबीसीचा उल्लेख असलेले शरद पवार यांचे शाळेचे प्रमाणपत्र व्हायरल होत आहे. जिजाऊंच्या वंशजांनी हे कृत्य केल्याचा आरोप संभाजी ब्रिगेडने केला आहे. यातून ओबीसी आणि मराठा यांच्यात संघर्ष निर्माण करण्याचा प्रयत्न केला जात असल्याचा आरोप संभाजी ब्रिगेडचे विकास पासलकर यांनी केला आहे.