प्रभात वृत्तसेवा पाचगणी – महाराष्ट्रात महायुतीत सरकार आहे परंतु, महायुतीच्या माध्यमातुन निवडणुका लढवताना मेढा नगरपपंचायतमध्ये सन्मानजनक वागणूक न मिळाल्यास शिवसेना स्वबळावर लढणार असल्याची घोषणा पालकमंत्री शंभूराज देसाई यांनी मेढा येथे आयोजित शिवसेना निर्धार मेळाव्यात बोलताना केली. ते म्हणाले, महायुतीत आहे, पण शिवसेनेचा शिवसैनिक आमच्यासाठी सर्वोच्च आहे. मेढ्यात शिवसैनिकांची कोंडी कोणी करण्याचा प्रयत्न करत असेल तर आम्ही गप्प बसनार नाही. मेढा, ता. जावळी येथे आयोजित निर्धार मेळाव्यात मार्गदर्शन करताना ते बोलत होते. यावेळी उबाठा गटाचे शहरप्रमुख सचिन जवळ यांच्यासह माजी नगरसेवक संकेत पंडीत याच्यासह कार्यकर्त्यानी शिवसेने पालकमंत्र्याच्या उपस्थित प्रवेश केला. मेळाव्यास अंकुशबाबा कदम, मुख्य प्रवक्ता ज्योती वाघमारे, जिल्हा सहसंपर्क प्रमुख एकनाथ ओंबळे, जिल्हा प्रमुख रणजित भोसले, उपजिल्हा प्रमुख संदीप पवार, तालुका प्रमुख समीर गोळे, प्रशांत तरडे, शांताराम कदम, सातारा शहरप्रमुख निलेश मोरे, मेढा शहर प्रमुख संजय सुर्वे उपस्थित होते. ना. देसाई म्हणाले, जावळीतील युवक रोजगारासाठी मुबंईकडे वळला असताना स्थानिक युवकांच्या रोजगाराचा प्रश्न प्रस्थापित लोकप्रतिनीधी सोडवूशकले नाही. ही बाब गंभीर असून जावलीतील युवकांसाठी रोजगार निर्माती ही माझी मुख्य बाब आहे. उपमुख्यमंत्री एकनाथ शिंदे यांनी शिवसैनिक म्हणून माझ्यावर दिलेली जबाबदारी लिलया पेलताना महाराष्ट्रातील पीडीत जनतेकरीता सदैव कटिबद्ध आहे. मेढा नगरपंचायतमध्ये दर दोन दिवसाला पाणी येणे ही बाब फार गंभीर आहे. धरण उशाला आणि कोरड घशाला अशी अवस्था मेढ्याची प्रस्थापितांनी केली आहे. नवीन प्रस्ताव सादर करुन पाणीपुरवठा योजना आणू. मेढ्यातील जनतेला भरमसाठ मालमत्ता कर लावून सर्वसामान्यच कबरंड मोडल असून महिन्याला कमाई १० हजार आणि घरपट्टी मात्र २५ हजार लावली आहे. लवकरच उपमुख्यमंत्री एकनाथ शिंदे यांच्याकडून वाढीव घरपट्टी रद्द करून घेऊ. मेढा नगरपंचायतला आजही हिंदु स्माशानभुमी नाही. उपमुख्यमंत्री एकनाथ शिंदे यांनी दिलेल्या निधीचा वापर का झाला नाही ? असा सवाल पालकमंत्री शंभुराज देसाई यांनी केला.मेढ्याचा चौफेर विकास करण्यासाठी परिवर्तन अटळ असून शिवसेनेचा भगवा मेढा नगरपंचायतवर फडकवण्यास सज्ज रहा. महायुतीचा प्रश्न वरिष्ठ पातळीवर होईल मात्र मेढा नगरपंचायतच्या सर्व १७ वार्डमध्ये शिवसैनिक लढण्यासाठी सज्ज ठेवा, अशी सुचना ना. शंभूराज देसाई यांनी केली.यावेळी शिवसेना नवी मुबंई सपर्कप्रमुख अंकुश कदम यांनी मार्गदशन केले. सुत्रसंचालन किरण म्हस्कर यांनी केले
