नांदेडः राज्यात महायुतीच्या सत्तेत भाजप मोठा भाऊ असून आता आगामी स्थानिक स्वराज्य संस्थांच्या निवडणुकीसाठी भाजपाकडून जोरदार तयारी केली जात आहे. भाजपमधून मंत्री झालेल्या चंद्रशेखर बावनकुळे यांची जागा आता पक्षाचे पूर्वेचे मंत्री रविंद्र चव्हाण हे चालवताना दिसत आहे.

स्थानिक स्वराज्य संस्थांच्या निवडणुका डोळ्यांसमोर ठेवून ग्राऊंड पातळीवर पक्षाची मोठ बांधण्यासाठी चव्हाण तळागळातील भाजपच्या कार्यकर्त्यांशी संवाद साधत आहेत. शुक्रवारी नांदेडमधील भक्ती पॅलेसमध्ये भाजपची विभागीय पदाधिकाऱ्यांची बैठक पार पडली. या बैठकीत भाजपमधील जिल्ह्यातील आमदार, खासदार पदाधिकारी कार्यकर्ते यांनी मोठ्या संख्येने उपस्थित दर्शवली होती.

या बैठकीत ठेवण्यात आलेल्या चहा पासून ते जेवणापर्यंतची मोठी चर्चा केली जात आहे. दोन हजार जणांसाठी शाकाहारी पद्धतीचे जेवण पक्षातील पदाधिकारी कार्यकर्त्यांना खूश करण्यासाठी पक्षाच्या वतीने देण्यात आले. या बैठकीत अनेक पदार्थांची रेलचेल असल्याची पाहिला मिळाली. जेवणाचा शाही थाटच भाजपाच्या येथील विभागीय बैठकीच्या निमित्ताने बघायला मिळाला.

२००४ मध्ये लोकसभेच्या निवडणुकीत झालेल्या पराभवाचे चिंतन करण्यासाठी मुंबईत सप्त तारांकित हॅाटेलमध्ये बैठक आयोजित करण्यात आली होती. त्यावेळी असमाधानकारक कामगिरी केल्याबद्दल पक्षातील कार्यकर्ते, पदाधिकाऱ्यांना खडेबोल सुनावण्यात आले होते. मात्र, विधानसभा निवडणुकीत राज्यात महायुतीची सत्ता आणि पर्यायाने भाजचे आमदार जास्त आमदार निवडून आले.

चार तासांत २५ लाखांचा खर्च?

नांदेडमध्ये अशोक चव्हाण यांचे आवडते ठिकाण म्हणजे ‘भक्ती लॉन्स’ येथे विभागीय बैठकीचा कार्यक्रम मोठ्या थाटात संपन्न झाला. गुरूवारी सकाळपासून रात्रीपर्यंत भक्ती लॉन्स परिसरात एका विवाह सोहळ्याची धामधूम असल्यासारखे वाटत होते. केवळ चार तासांच्या या बैठकीच्या खर्चाचा आकडा तब्बल २५ लाखांच्या पुढे गेल्याचे सांगितले जात आहे. यामुळे आगामी निवडणुकीच्या दृष्टीने भाजपकडून ग्राऊंड लेव्हल मजबूत करण्याची तयारी सुरू झाली आहे.