पंढरपूर – शिंदे गटाचे आमदार शहाजी बापू पाटील हे आपल्या खास गावराण ठसकेबाज भाषा शैलीसाठी ओळखले जातात. महाविकास आघाडीची साथ सोडून एकनाथ शिंदे यांच्यासोबत गुवाहाटीला शहाजीबापू गेले होते. त्यावेळी काय झाडी.. काय डोंगर.. समद ओकेमध्ये आहे हा त्यांचा डायलॉग देशभर प्रसिद्ध झाला होता. एरवी राष्ट्रवादीतील बड्या बड्या नेत्यांवर ठसकेबाज शैलीत टीका करणारे शहाजी बापू पाटील यांनी आज थेट राष्ट्रवादीचे सर्वेसर्वा सहृद पवार यांच्यासोबत स्टेज शेअर केले.

यावेळी बोलताना शहाजी बापूंनी भाषणाची सुरुवात एकदम दमदार केली. महाराष्ट्राचे लाडके सुपुत्र.. महाराष्ट्राच्या राजकीय पटलावरचे दैवत भारत देशाचे जेष्ठ नेते आदरणीय पवार साहेब.. अशा शब्दात पाटील यांनी आपल्या भाषणाला सुरुवात केली. यावेळी पवारांवर स्तुतीसुमने उधळत पाटील चांगलेच भावूक झाल्याचे दिसून आले.

तब्बल दहा वर्षांनी भेट होत असल्याचे सांगत आमदार शहाजी पाटील यांनी जुन्या आठवणींना उजाळा दिला. तसेच आमंत्रण दिले नसते तरी आलो असतो असं देखील ते यावेळी म्हणाले. सांगोल्यात बाबुराव गायकवाड यांच्या ७५ वीचा कार्यक्रमाप्रसंगी हे दोन्ही नेते एकाच व्यासपीठावर आल्याचे पाहायला मिळाले.