नवी दिल्ली – शाहरुख खान सध्या त्याच्या ‘जवान’ चित्रपटामुळे चर्चेत आहे. ऍटली यांच्या दिग्दर्शनाखाली बनलेला हा चित्रपट ७ सप्टेंबर रोजी प्रदर्शित होत आहे. अशा परिस्थितीत चित्रपटाच्या प्रदर्शनाची तारीख जसजशी जवळ येत आहे, तसतशी चाहत्यांची उत्सुकता वाढत आहे. ‘जवान’ रिलीज होण्यापूर्वी शाहरुखने तिरुपती येथील मंदिरामध्ये दर्शनासाठी हजेरी लावली.
नुकताच शाहरुख आंध्र प्रदेशातील तिरुपती मंदिरात पोहोचला. यादरम्यान त्यांची मुलगी सुहाना खान आणि जवान को-स्टार नयनताराही त्याच्यासोबत दिसल्या. शाहरुखचा यावेळेसचा एक व्हिडीओ देखील समोर आला आहे. शाहरुख खान तिरुपतीला पोहोचल्याचा एक व्हिडिओही सोशल मीडियावर व्हायरल होत आहे. या व्हिडिओमध्ये किंग खान त्याच्या टीमसोबत दिसत आहे.
‘जवान’ चित्रपटासाठी लोकांनी आगाऊ बुकिंगही सुरू केले आहे. एका अहवालानुसार, ‘जवान’ची आगाऊ बुकिंग 40 कोटींपर्यंत पोहोचण्याच्या मार्गावर आहे, ज्यामुळे बॉलिवूड फिल्म इंडस्ट्रीमध्ये एक नवीन विक्रम निर्माण होऊ शकतो.अशात शाहरुखने थेट मंदिरात दर्शनासाठी हजेरी लावल्याने तो चांगलाच चर्चेत आला आहे. जवानच्या सक्सेससाठी शाहरुखने यावेळी मंदिरामध्ये प्रार्थना देखील केल्याचे समजते.
#WATCH | Andhra Pradesh: Actor Shah Rukh Khan, his daughter Suhana Khan and actress Nayanthara offered prayers at Sri Venkateshwara Swamy in Tirupati pic.twitter.com/KuN34HPfiv
— ANI (@ANI) September 5, 2023
हे सेलिब्रिटी शाहरुखसोबत ‘जवान’मध्ये दिसणार आहेत
शाहरुख खानच्या ‘पठाण’ चित्रपटाला मिळालेल्या जबरदस्त यशानंतर चाहत्यांच्या नजरा आता ‘जवान’वर खिळल्या आहेत. चित्रपटात दक्षिणेतील एक मोठी स्टार कास्ट आहे, या चित्रपटात शाहरुख खान दुहेरी भूमिकेत दिसणार आहे.शाहरुख खान व्यतिरिक्त या चित्रपटात नयनतारा आणि विजय सेतुपती यांच्याही प्रमुख भूमिका आहेत. याशिवाय सान्या मल्होत्रा, प्रियामणी, सुनील ग्रोव्हर हे देखील या चित्रपटात दिसणार आहेत. ‘जवान’मध्ये दीपिका पदुकोण, थलपथी विजय आणि संजय दत्त यांच्या छोट्या भूमिका आहेत.