Shabana Azmi : ज्येष्ठ अभिनेत्री शबाना आझमी सध्या सोशल मीडियावर सतत सक्रिय असतात. त्या घरातील पार्टी, कार्यक्रम आणि खास प्रसंगांचे फोटो आणि व्हिडिओ सोशल मीडिया अकाऊंटवरून शेअर करतात. नुकताच २०१८ चा एक जुना व्हिडिओ त्यांनी इंन्स्टाग्रामवरून शेअर केला आहे, ज्यामध्ये अभिनेत्री एका वेगळ्याच अंदाजात डान्स करताना दिसत आहे. शबाना यांनी शनिवारी त्यांच्या इंस्टाग्राम पेजवर एक व्हिडिओ शेअर केला आहे. त्यात “आजा आजा तू है प्यार मेरा” या गाण्यावर त्या नाचताना दिसत आहे. हातात फुलदाणी धरून त्या नाचताना दिसत आहेत. या व्हिडीओवर चाहते आणि सोशल मीडिया वापरकर्त्यांनी भरभरून कमेंट्स केल्या आहेत. या व्हिडीओ सोबत अभिनेत्रीने दिलेले कॅप्शन सगळ्यांचे लक्ष वेधून घेत आहे. View this post on Instagram A post shared by Shabana Azmi (@azmishabana18) हा व्हिडिओ शेअर करून शबाना यांना वाटते की आता कोणीही त्यांना एक गंभीर अभिनेत्री मानणार नाही, असे कॅप्शनमध्ये त्यांनी लिहिले आहे. “हा व्हिडिओ अचानक माझ्या फोनवर आला. तो मला २०१८ मध्ये माझ्या वाढदिवसाची आठवण करून देतो. एक गंभीर अभिनेत्री म्हणून माझी प्रतिष्ठा खराब झाली आहे.” पुढे अभिनेत्रीने हसणारा इमोजी दिला आहे. चाहत्यांव्यतिरिक्त अनेक अभिनेत्रींनीही शबाना आझमी यांच्या व्हिडीओतील नृत्य सादरीकरणावर प्रतिक्रिया दिल्या आहेत. बॅालिवूडची प्रसिद्ध अभिनेत्री उर्मिला मातोंडकरने शबाना यांना “डान्सिंग दिवा” असे म्हटले आहे. अभिनेत्री आदिती राव हैदरीने हृदयाचा इमोजी शेअर केला आहे. चाहत्यांना शबाना आझमींचा डान्स आणि स्टाईल आवडली आहे. हेही वाचा : ‘डर नही दहशत हूं…’; ‘किंग’चा दमदार प्रोमो रिलीज; शाहरुख खानचे चाहत्यांसाठी खास सरप्राइज
