जालना – मालकासोबत झालेल्या वादातून राग अनावर झाल्याने ‎नोकराने किचन रूममधील चाकूने ४३ वार करून‎‎ मालकीण संगीता लाहोटी (पोस्ट‎ ‎ऑफिस रोड, जालना) यांचा खून ‎‎केल्याची घटना १४ डिसेंबर २०२१ ‎‎रोजी घडली होती. या घटनेत ‎‎सीसीटीव्ही फुटेज, प्रत्यक्षदर्शी ‎‎असलेली लीलाबाई साबळे ही‎‎ महिला, पोलिसांच्या चार्जशिट‎‎ अहवाल हे पुरावे आरोपीला‎ जन्मठेपेची शिक्षा लागण्यास महत्त्वपूर्ण ठरले आहेत.

‎भीमराव निवृत्ती धांडे (६४, नूतन वसाहत, अंबड रोड, ‎जालना) असे जन्मठेप झालेल्या आरोपीचे नाव आहे.‎ आरोपी धांडे हा लाहोटी यांच्याकडे ४० वर्षांपासून‎ घरकाम करत होता. मृत संगीता लाहोटी यांचे पती‎अालोक लाहोटी यांनी धांडे यास जितेन नाथानी याचा‎मोबाइल नंबर का घेतो? असे विचारले म्हणून‎ आरोपीने आलोक लाहोटी यांना दगड फेकून मारला व‎ नंतर कॉलर पकडून भांडण केले.

नंतर पोलिस स्टेशन‎ येथे आलोक लाहोटी हे आरोपीविरुद्ध तक्रार देण्यासाठी ‎गेले होते. या वेळी आरोपीने माफी मागून त्याच्या विरुद्ध‎तक्रार देऊ नका, अशी विनंती केली. त्यानंतर सदरील ‎घटनेचा राग मनात धरून धांडे हा घरी आला. नंतर‎ चाकूने संगीता लाहोटी यांचा खून केला होता.‎