Sunil Kedar : बिहार निवडणुकीत काँग्रेस पक्षाचा दारूण पराभव झाला. २४३ विधासभेच्या जागांसाठी काँग्रेसचे ६६ उमेदवार निवडणुकीच्या रिंगणात होते. या उमेदवारांपैकी केवळ ६ काँग्रेस पक्षाचे उमेदवार विजयी झाले. थोडक्यात बिहार निवडणुकीत काँग्रेसचा सुपडा साफ झाला आहे. महाराष्ट्रात स्थानिक स्वराज्य संस्थांच्या निवडणुकीची जोरदार धामधूम आहे. पहिल्या टप्प्यातील २४६ नगरपरिषदा आणि ४२ नगरपंचायतीच्या निवडणुका होणार आहेत. यासाठी अनेक उमेदवारांनी अर्ज दाखल केले आहेत. अर्ज दाखल करण्याच्या अंतिम दिवस मोठ्या राजकीय नाट्यांनी गाजला. महाविकास आघाडीतील घटक पक्ष असलेल्या काँग्रेस पक्षातील अंतर्गत नाराजी आता उफाळून आली आहे. नागपूर जिल्ह्यात अंतर्गत नाराजीची प्रतिची पाहायला मिळाली. काँग्रेसमधील एका बड्याने नेत्यावर आरोप करत येथील वाडी नगरपरिषदेचे शहर अध्यक्ष शैलेश थोरात यांनी पक्षाकडून नगराध्यक्ष पदाचे तिकीट नाकारल्याने पक्षाला सोडचिठ्ठी दिली आहे. तसेच 120 कार्यकर्त्यांनी देखील काँग्रेस पक्षाला सामूहिक राजीनामे दिले आहेत. त्यामुळे ऐन स्थानिक निवडणुकांच्या तोंडावर नागपूर जिल्ह्यात राजीनामा सत्र सुरूच असल्याने काँग्रेसला नागरपूर जिल्ह्यात उतरली कळा लागली आहे. काँग्रेसपुढे मोठे आव्हान या पदाधिकाऱ्यांमध्ये नागपूर तालुका अध्यक्ष प्रकार कोकाटे, जिल्हा काँग्रेसचे महासचिव काँग्रेसचे अनिल पाटील यांचा समावेश आहे. आपण सुनील केदार यांच्या हुकूमशाही धोरणाला कंटाळून राजीनामा देत असल्याचे या पदाधिकाऱ्यांनी प्रदेश काँग्रेसला पाठवलेल्या पत्रात म्हटले आहे. यामुळे स्थानिक निवडणुकांच्या तोंडावर पक्षातील अंतर्गत नाराजीनाट्य शमावणे काँग्रेसपुढे मोठे आव्हान असणार आहे. राज्यात स्थानिक स्वराज्य संस्थांच्या निवडणुकांचे जोरदार वारे वाहत आहे. अशातच नागपूर जिल्ह्यात घडलेल्या या घटनेने राजकीय वर्तुळात खळबळ उडाली आहे. नागपूर ग्रामीण काँग्रेसमध्ये मोठ्या प्रमाणात राजीनामा सत्र व पक्षांतर सत्र सुरु आहे. पक्षातील पदाधिकारी काँग्रेस सोडण्याला काँग्रेस नेते सुनील केदार यांच्या मनमर्जी कारभाराला जबाबदार धरले जात आहे. सुनील केदार यांच्या भेदभावपूर्ण वागणुकीमुळे मोठ्या संख्येने काँग्रेसचे पदाधिकारी राजीनामे देत आहेत. पक्षाचे प्रेदशाध्यक्ष हर्षवर्धन सपकाळ यांच्याकडे सुनील केदार यांची तक्रार करत हे राजीनामे दिल्याची माहिती आहे. आता याप्रकरणी सपकाळ कोणता निर्णय घेतात हे पाहणे महत्वाचे असणार आहे. हेही वाचा : अमेरिका सौदी अरेबियाला देणार F-35 लढाऊ विमान ; इस्रायल आणि भारताचे वाढले टेन्शन?
