Main Hoon Na Sequel |  फराह खान दिग्दर्शित ‘मैं हू ना’ चित्रपटाला प्रेक्षकांचा मोठा प्रतिसाद मिळाला. आजही हा चित्रपट आवडीने पाहायला जातो. जवळपास 21 वर्षांच्या प्रदीर्घ काळानंतर बॉक्स ऑफिसवर गाजलेल्या या चित्रपटाचा सिक्वेल येणार असल्याची माहिती समोर आली आहे. ‘मैं हू ना’ चित्रपटात अभिनेता शाहरुख खान, अभिनेत्री सुष्मिता सेन आणि सुनील शेट्टी प्रमुख भूमिकते पाहायला होते. आता या चित्रपटाचा सीक्वेल येणार असल्याने चाहते देखील खुश झाले आहेत.

मीडिया रिपोर्टनुसार, फराह खान आणि शाहरुख खानच्या रेड चिलीज प्रोडक्शन टीमसह सिनेमाच्या स्क्रीप्टवर काम करण्यात येत आहे.  पिंकविलाच्या रिपोर्टनुसार, ‘मैं हू ना-२’ साठी फराह खानने एक खास स्टोरी लिहिली आहे. त्याला शाहरुखची देखील पसंती मिळाली आहे. मात्र, यावर फराह खानने कोणतीही अधिकृत घोषणा केलेली नाही.

‘मैं हू ना’ च्या पहिल्या भागातील दमदार कथेने आणि कलाकारांच्या उत्कृष्ट अभिनयाने प्रेक्षकांना भुरळ घातली होती. या चित्रपटात अभिनेता शाहरुख खान, सुष्मिता सेन, सुनील शेट्टीसह झायेद खान, अमृता राव, सतीश शाह, बिंदू, बोमन इराणी, कबीर बेदी, नसीरुद्दीन शाह आणि किरण खैर हे कलाकार या महत्त्वाच्या भूमिकेत दिसले होते.

शाहरुख खानच्या कामाबद्दल बोलायचे झाले तर, सध्या तो सिद्धार्थ आनंद यांच्या ‘किंग’ चित्रपटाच्या शुटींगमध्ये व्यस्त आहे. हा चित्रपट 2026 मध्ये रिलीज होणार आहे. याशिवाय शाहरुख ‘पठान 2’ आणि ‘टाइगर वर्सेस पठान’ मध्ये देखील दिसणार आहे.