Rakesh Roshan |  बॅालीवूड इंडस्ट्रीमधील ज्येष्ठ अभिनेते, दिग्दर्शक आणि निर्माते राकेश रोशन हे टक्कल पडण्याचे समर्थन करत आहेत. त्यांनी आपले मुंडण का केले याचे कारण सांगितले आहे. एएनआयशी बोलताना त्यांनी याविषयी सांगितले. ‘मी माझे मुंडन करण्याची शपथ घेतली होती आणि ती तशीच ठेवली होती, असा खुलासा त्यांनी केला आहे.

रोशन यांच्या म्हणण्यानुसार, खुदगर्ज या चित्रपटात शेवटच्या वेळी अभिनय, दिग्दर्शन आणि निर्मिती केली होती. चित्रपट चांगला चालला नसता तर मी इथे बसलो नसतो. त्यामुळे चित्रपट चांगला चालला तर मी मुंडन करीन अशी शपथ घेतली होती, अशी आठवण त्यांनी यावेळी बोलताना सांगितली.

चित्रपट चांगला चालला, पण मला मुंडण करता आले नाही. पण नंतर मला झोप येत नव्हती. कारण मी शपथ घेतली होती आणि ती पूर्ण करू शकलो नाही. दुसऱ्या दिवशी मी नाईला माझ्या घरी बोलावले, तो तासभर माझ्यासमोर बसला. असे असूनही मी हे करावे की नाही याचा विचार करत होतो. पण शेवटी माझं मुंडन झालं असल्याचे त्यांनी सांगितले.

दुसऱ्या एका मुलाखतीत राकेश रोशन यांनी सांगितले होते की, एका व्यक्तीने रोशन यांच्या टक्कलमुळे त्यांचा मुलगा हृतिक रोशनलाही टक्कल पडणार, असल्याचे ती व्यक्ती म्हणाली होती. यावर राकेश रोशन म्हणाले होते की, तुझे केस आहेत, तू काय केलेस? मुलाचे केस गळतील पण तो आपले भाग्य गमावणार नाही, असे प्रत्यउत्तर त्यांनी त्या व्यक्तीला दिले होते.

क्रिश ४ ची जोरदार चर्चा 

सध्या राकेश रोशन चर्चेत आहेत कारण त्यांनी सांगितले की ते ‘क्रिश 4’ चित्रपटाचे दिग्दर्शन करणार नाही. राकेश रोशन यांनी 2003 मध्ये हृतिक रोशन आणि प्रीती झिंटा अभिनीत ‘कोई मिल गया’ हा चित्रपट त्यांनी तयार केला होता. या चित्रपटाच्या यशानंतर 2006 मध्ये हृतिक रोशन आणि प्रियांका चोप्रा अभिनीत ‘क्रिश’ चित्रपट आला. 2013 मध्ये हृतिक, प्रियांका, विवेक ओबेरॉय आणि कंगना राणौत अभिनीत ‘क्रिश 3’ रिलीज झाला होता. यानंतर क्रिश ४ चित्रपटाची जोरदार चर्चा होत आहे.