नेवासे : नेवासे फाटा येथील त्रिमूर्ती पावन प्रतिष्ठान शैक्षणिक संकुलाचे सचिव मनीष घाडगेपाटील यांचे शुक्रवार (दि.1) रोजी महाराष्ट्र दिनी पहाटेच्या सुमारास त्यांच्यावर नगर येथील खासगी रुग्णालयात औषधोपचार सुरु असताना निधन झाले आहे. त्यांच्या निधनामुळे शैक्षणिक क्षेत्रातून मोठी हळळ व्यक्त केली जात आहे. त्रिमूर्ती शैक्षणिक संकुलाचे सचिव मनीष घाडगेपाटील यांनी मंगळवार (दि.28) रोजी दुपारी एक वाजेच्या सुमारास संस्थेच्या सचिव कार्यालयात स्वतःला कोंडून घेत दोन्ही दरवाजे बंद करून आत्महत्या करण्याचा प्रयत्न केल्याची धक्कादायक घटना घडली होती. या घटनेमध्ये ते गंभीररित्या जखमी झालेले होते. त्यांच्यावर नगर येथील खासगी दवाखान्यात औषधोपचार सुरु असतानाच त्यांची प्राणज्योत मालवली. त्यांचा स्वभाव हा अत्यंत हसतमुख आणि शांत असल्यामुळे त्यांच्या निधनाचे वृत्त वाऱ्यासारखे पसरताच तालुक्यात मोठी हळहळ व्यक्त केली जात आहे. त्रिमूर्ती शैक्षणिक संकुलात त्यांच्या निधनाचे वृत्त येताच संस्थेच्या अधिकारी – कर्मचारी आणि शिक्षिकेत्तर कर्मचारी सुन्न झाले असून सर्वत्र शौकाकुल वातावरण निर्माण झाले आहे. मोठा धक्का नेवासे फाटा येथील त्रिमूर्ती पावन प्रतिष्ठान शैक्षणिक संकुलाचे सचिव मनीष घाडगेपाटील यांचा स्वभाव हा अत्यंत शांत आणि हसतमुख असल्यामुळे त्यांनी आत्महत्या करण्याच्या प्रयत्न केल्याच्या घटनेवर लवकर कोणाचा विश्वास बसत नसताना आता त्यांच्या निधनाचे वृत्त समोर आल्यानंतर सर्वांनाच मोठा धक्का बसला आहे. हेही वाचा : Watermelon Death Case : मृतांचा मेंदू, हृदय आणि….; कलिंगड खाऊन कुटुंबातील त्या मृत्यूप्रकरणी धक्कादायक माहिती समोर
