सध्या प्रो-कबड्डीचा हंगाम जोरात सुरू आहे आणि त्यातील पुणेरी पलटण या अग्रक्रमावर असलेल्या संघाच्या जर्सीवर डलहरशषषश्रशी ही अक्षरे दिसतात. अनेक प्रेक्षकांच्या मनात आले असेल की, ही कुठली कंपनी आहे. तर प्रामुख्याने बेअरिंग्ज आणि जिथे गतीचा संबंध येतो अशा सर्व क्षेत्रांसाठी शेफलर इंडिया विविध उत्पादने तयार करते. भारतात कंपनीचे चार उत्पादन प्रकल्प आणि अकरा विक्री कार्यालये आहेत. एक प्रकल्प पुण्याजवळील तळेगांव याठिकाणी आहे.

कंपनीचा पहिला उत्पादन प्रकल्प 1964 मध्ये बडोदा याठिकाणी सुरू झाला. त्याठिकाणी बॉल बेअररिंग्ज, सिलिंड्रिकल रोलर बेअररिंग्ज,स्फीरिकल रोलर बेअरिंग्ज आणि व्हील बेअरिंग्जचे उत्पादन होते. ही सर्व उत्पादने ऋ- ब्रॅंडखाली विकली जातात. दुसरा प्रकल्प बडोद्याजवळील सावली याठिकाणी आहे. तिथे नव्या युगातील डीप ग्रुव्ह बॉल बेअरिंग्ज आणि लार्ज साईज रोलर बेअरिंग्जचे उत्पादन केले जाते.

तिसरा प्रकल्प तळेगावला आहे. त्याठिकाणी फ्रंट ड्राईव्ह सिस्टीम, चेन ड्राईव्ह सिस्टिममधील इंजिन आणि ट्रान्समिशनसाठीच्या सुट्या भागांचे उत्पादन करण्यात येते. कंपनीचा चौथा प्रकल्प होसूर येथे आहे. त्याठिकाणी प्रवासी कार, हलकी आणि अवजड मालवाहतूक वाहनांसाठी क्‍लच सिस्टीम्स, ड्युएल मास फ्लायव्हील्सचे उत्पादन केले जाते. भारतातील वाहन उद्योग आणि औद्योगिक क्षेत्राला विविध उत्पादने पुरवण्याचे नेटवर्क शेफलर इंडियाकडे आहे.

शेफलर इंडियाची स्थापना 1962 मध्ये झाली. 1975 मध्ये नॉर्मा हॉफमन यांच्याकडून फॅग जर्मनी या कंपनीने शेअर्स घेतले. 1986 मध्ये कंपनीचा रेल्वे बेअरिंग्जचा प्रकल्प सुरू झाला. 1992 मध्ये कंपनीचे नाव फॅग बेअरिंग्ज इंडिया लिमिटेड असे करण्यात आले. ब्रॅंडही नॉर्मा बदलून फॅग असा करण्यात आला. त्याचवर्षी कंपनीने क्‍लच सिस्टीम्ससाठी राणे ल्यूक क्‍लच कंपनीशी जॉईंट व्हेंचर केले. 1999 मध्ये निर्यातभिमुख सिलिंड्रिकल रोलर बेअरिंग्जच्या उत्पादनाचे युनिट सुरू झाले. भारतातील पहिला व्हील बेअरिंग्जचा प्रकल्प कंपनीने बडोदा येथे सुरू केला.

2001 पासून कंपनीच्या होसूर येथील प्रकल्पात ट्रॅक्‍टरसाठीच्या क्‍लच सिस्टीमचे उत्पादन सुरू झाले. पुण्याजवळील पिरंगुट येथे कंपनीचा नवा प्रकल्प सुरू झाला. त्याचवेळी फॅग बेअरिंग्ज इंडिया लिमिटेड ही आंतरराष्ट्रीय पातळीवरील शेफलर ग्रुपचा भाग बनली. 2007 मध्ये शेफलर इंडियाने राणे ल्युक क्‍लच ही कंपनी ताब्यात घेतली. तळेगावमध्ये नवा प्रकल्प सुरू झाला. 2012 मध्ये थर्ड जनरेशन व्हील बेअरिंगचा प्रकल्प बडोद्यात सुरू झाला. 2017 मध्ये फॅग बेअरिंग्ज इंडिया हे नाव बदलून शेफलर इंडिया लिमिटेड असे करण्यात आले. 2019 मध्ये कंपनीचे मुख्यालय पुण्यात सुरू झाले.

कंपनीच्या अर्ऩिंग पर शेअर (ईपीएस) मध्ये वार्षिक वाढ दिसत आहे. तिमाही नफ्यात आणि प्रॉफिट मार्जिनमध्येही वाढ होत आहे. कंपनीवर कर्ज नाही. कंपनीच्या प्रवर्तकांकडील शेअर गहाण ठेवण्यात आलेले नाहीत. जून 2022 मध्ये संपलेल्या तिमाहीत कंपनीने 225.8 कोटी रुपये निव्वळ नफा नोंदवला होता. याच कालावधीत कंपनीची उलाढाल 1765 कोटी रुपये होती.

सप्टेंबर 2022 मध्ये संपलेल्या तिमाहीत उलाढालीत वाढ होऊन ती 1779.6 कोटी रुपयांवर पोचली असली तरी निव्वळ नफ्यात किंचितशी घसरण होऊन तो 215.4 कोटी रुपये एवढा दिसत आहे. कंपनीच्या शेअरने गेल्या वर्षभरात 97.13 टक्‍क्‍यांचा परतावा दिलेला आहे. कंपनीचे 74.13 टक्के शेअर प्रवर्तकांकडे आहेत. 4.94 टक्के शेअर देशातील गुंतवणूक संस्थांकडे तर 15.34 टक्के शेअर परदेशी गुंतवणूक संस्थांकडे आहेत. 5.59 टक्के शेअर अन्य घटकांकडे आहेत. डिसेंबर 2021 मध्ये संपलेल्या तिमाहीत परदेशी गुंतवणूक संस्थांकडे 15.18 टक्के शेअर होते. जून 2022 मध्ये संपलेल्या तिमाहीत त्यामध्ये वाढ होऊन त्यांच्याकडील शेअरची टेक्‍क्‍वारी 15.34 टक्‍क्‍यांपर्यंत वाढलेली दिसत आहे.

शुक्रवारचा बंद भाव – रू. 2690.35
(राष्ट्रीय शेअर बाजार)
-सुहास यादव
र्

ीीहरिरूरवर्रींऽसारळश्र.लो