Satara News – राज्याचे सार्वजनिक बांधकाम मंत्री शिवेंद्रसिंहराजे भोसले यांच्या विशेष पाठपुराव्यातून सातारा- जावळी मतदारसंघातील विविध गावातील तांडा, वस्तीमधील १२ विकासकामे मार्गी लावण्यासाठी शासनाच्या इतर मागास बहुजन कल्याण विभागाच्या वसंतराव नाईक तांडा वस्ती सुधार योजनेतून १ कोटी रुपये निधी मंजूर झाला आहे. सातारा तालुक्यातील आकले येथील गोसावी वस्तीत रस्ता काँक्रिटीकरण करण्यासाठी ८ लाख रुपये, कळंबे येथे रामोशी वस्तीत बंदिस्त गटार करणे ५ लाख व रस्ता काँक्रिटीकरण करण्यासाठी ५ लाख रुपये, शेंद्रे येथे गोसावी वस्तीतील रस्ता काँक्रिटीकरण करणे ५ लाख, वर्ये येथे आझादनगर भांडी वस्ती येथे रस्ता काँक्रिटीकरण करणे १० लाख, आंबवडे बुद्रुक लोहारवस्ती येथे बंदिस्त गटार व रस्ता करण्यासाठी १० लाख रुपये निधी मंजूर झाला आहे. जावळी तालुक्यातील बोंडारवाडी येथील धनगरवस्ती येथे मुख्य रस्ता ते जननी देवी मंदिर रस्ता काँक्रिटीकरण करणे १० लाख, जवळवाडी येथील गोपाळवस्ती येथे रस्ता काँक्रिटीकरण करणे १० लाख, म्हाते खुर्द येथील म्हातेपुरा येथे रस्ता काँक्रिटीकरण करणे १० लाख, कारगाव येथील मानेवस्ती येथे मंदिर ते रामचंद्र माने घर रस्ता काँक्रिटीकरण करणे ७ लाख, खर्शी तर्फ कुडाळ येथील गोसावी वस्ती येथे रस्ता काँक्रिटीकरण व बंदिस्त गटार करणे १० लाख आणि गाळदेव येथील भवानीनगरमध्ये रस्ता काँक्रिटीकरण करण्यासाठी १० लाख रुपये निधी मंजूर झाला आहे. निविदा प्रक्रिया व इतर शासकीय सोपस्कार तातडीने पूर्ण करून मंजूर कामे सुरु करा. कामे दर्जेदार करून वेळेत पूर्ण करा, अशा सूचना ना. शिवेंद्रसिंहराजे यांनी संबंधित अधिकाऱ्यांना केल्या आहेत.
