Sara Arjun: बॉलिवूड अभिनेता रणवीर सिंहच्या ‘धुरंधर’ फ्रँचायझीने बॉक्स ऑफिसवर मोठा धमाका केला आहे. या चित्रपटातील प्रत्येक कलाकाराला प्रेक्षकांनी भरभरून प्रेम दिलं. विशेषतः सारा अर्जुन (Sara Arjun) हिने साकारलेलं ‘यालिना’ हे पात्र प्रेक्षकांच्या पसंतीस उतरलं. तिच्या अभिनयामुळे ती चांगलीच चर्चेत आली असून आता तिच्या करिअरला मोठं वळण मिळताना दिसत आहे. ‘धुरंधर’नंतर सारा अर्जुनला एक मोठा साऊथ चित्रपट मिळाल्याची चर्चा आहे. मिळालेल्या माहितीनुसार, ती आता साऊथ स्टार धनुषसोबत मुख्य अभिनेत्री म्हणून दिसू शकते. हा तिच्यासाठी खूप मोठा प्रोजेक्ट मानला जात आहे. त्यामुळे तिच्या चाहत्यांमध्ये उत्साहाचे वातावरण आहे. धनुष सध्या आपल्या ‘कारा’ या आगामी चित्रपटाच्या तयारीत व्यस्त आहे. हा चित्रपट ३० एप्रिलला प्रदर्शित होणार आहे. या चित्रपटाचे दिग्दर्शन विग्नेश राजा यांनी केलं आहे. याशिवाय धनुषने आणखी एका नव्या प्रोजेक्टवर स्वाक्षरी केली आहे. हा चित्रपट ‘लुबर पंधू’चे दिग्दर्शक तमिळरासन पचामुथू यांच्या दिग्दर्शनाखाली तयार होणार आहे. याच चित्रपटात सारा अर्जुनला मुख्य अभिनेत्री म्हणून घेण्याची शक्यता व्यक्त केली जात आहे. Sara Arjun Sara Arjun महत्त्वाचं म्हणजे, या भूमिकेसाठी आधी ‘कांतारा: चॅप्टर १’ मधील अभिनेत्री रुक्मिणी वसंत हिचं नाव चर्चेत होतं. पण तिच्या व्यस्त वेळापत्रकामुळे ती या प्रोजेक्टमधून बाहेर पडली असल्याचं सांगितलं जात आहे. रुक्मिणी वसंत सध्या अनेक मोठ्या चित्रपटांमध्ये काम करत आहे. विशेष म्हणजे ती लवकरच ज्युनियर एनटीआरसोबत ‘ड्रॅगन’ या मोठ्या चित्रपटात दिसणार आहे. या चित्रपटासाठी तिने आधीच बऱ्याच तारखा दिल्या असल्यामुळे इतर चित्रपटांसाठी वेळ देणं तिला शक्य झालं नाही. Sara Arjun यामुळेच निर्मात्यांनी सारा अर्जुनला या भूमिकेसाठी निवडल्याची चर्चा सुरू आहे. मात्र, या बाबत अद्याप अधिकृत घोषणा झालेली नाही. पण ‘धुरंधर’नंतर सारा अर्जुनच्या लोकप्रियतेत झालेली वाढ पाहता, तिला हा मोठा ब्रेक मिळण्याची शक्यता नाकारता येत नाही. एकंदरीत, ‘धुरंधर’मुळे सारा अर्जुनला नवं व्यासपीठ मिळालं आहे आणि आता ती साऊथ इंडस्ट्रीत मोठी झेप घेण्याच्या तयारीत आहे. येत्या काळात तिची ही नवी जोडी प्रेक्षकांना किती आवडते, हे पाहणं उत्सुकतेचं ठरणार आहे.