Sanju Samson Breaks MS Dhoni Record : आयपीएलच्या इतिहासात ज्या मोठ्या विक्रमावर अनेक वर्षांपासून केवळ महेंद्रसिंग धोनीचे नाव कोरले गेले होते, तो विक्रम आता संजू सॅमसनने आपल्या नावावर केला आहे. सनरायझर्स हैदराबादविरुद्धच्या सामन्यात चेन्नई सुपर किंग्सकडून खेळताना संजू सॅमसनने १३ चेंडूत २७ धावांची छोटी पण वादळी खेळी केली. या खेळीदरम्यान ५ चौकार आणि १ षटकार ठोकत त्याने ‘कॅप्टन कूल’ धोनीचा १३ वर्षांपूर्वीचा एक विराट विक्रम मोडला आहे. धोनीचा २०१३ चा ‘तो’ रेकॉर्ड मोडला – संजू सॅमसन आता चेन्नई सुपर किंग्ससाठी विकेटकीपर-फलंदाज म्हणून एकाच आयपीएल हंगामात सर्वाधिक धावा करणारा खेळाडू बनला आहे. यापूर्वी हा विक्रम एमएस धोनीच्या नावावर होता. धोनीने २०१३ च्या आयपीएल हंगामात १६ डावात ४६१ धावा कुटल्या होत्या. संजूला हा १३ वर्षे जुना विक्रम मोडण्यासाठी या सामन्यात फक्त १२ धावांची गरज होती. त्याने नितीश कुमार रेड्डीच्या पहिल्याच षटकात १५ धावा वसूल करत अत्यंत आक्रमक थाटात धोनीला मागे टाकले. चेन्नईच्या इतिहासात फक्त ‘तीन’ विकेटकीपरचा दबदबा – Sanju Samson – 27 runs off 13 balls, 5 fours and 1 six. – Samson already provided flying start for CSK inside PP.pic.twitter.com/GshhPLhS8i — Maina Singh (@Maina_Singhx77) May 18, 2026 सीएसकेच्या इतिहासात विकेटकीपर म्हणून एका हंगामात १०० पेक्षा जास्त धावा करणारे आतापर्यंत केवळ तीनच खेळाडू ठरले आहेत. यामध्ये एमएस धोनी, पार्थिव पटेल आणि आता संजू सॅमसन यांचा समावेश आहे. या यादीतील टॉप-१० क्रमांकांमध्ये केवळ धोनी आणि सॅमसन यांचाच वरचष्मा पाहायला मिळतो. संजू सॅमसनने आयपीएल २०२६ च्या चालू हंगामात आतापर्यंत १३ सामन्यांत ४७७ धावा केल्या आहेत. हेही वाचा – MJK Smith Death : क्रिकेट विश्वावर शोककळा! माजी कसोटी कर्णधार स्मिथ यांचे निधन; भारताविरुद्ध ठोकलं होतं पहिलं शतक पॅट कमिन्सच्या रणनीतीचा ठरला शिकार – या सामन्यात संजू सॅमसन सुरुवातीपासूनच उत्कृष्ट फॉर्मात दिसत होता. त्याने प्रफुल हिंगेच्या एकाच षटकात सलग तीन चौकार ठोकले होते. मात्र, त्याची ही धोकादायक खेळी रोखण्यासाठी हैदराबादचा कर्णधार पॅट कमिन्स स्वतः गोलंदाजीला आला. कमिन्सने आधी उत्कृष्ट यॉर्कर टाकत संजूवर दबाव आणला आणि नंतर ऑफ स्टंपच्या बाहेर चेंडू फेकून त्याला चूक करण्यास भाग पाडले, ज्यावर विकेटकीपरने सोपा झेल घेतला. संजू सॅमसन आता ५०० धावांचा टप्पा ओलांडण्यापासून अवघा काही धावा दूर असून पुढील सामन्यात तो हा टप्पा पार करू शकतो.
