Sangli News : आमदार सदाभाऊ खोत यांच्यावर खालच्या पातळीवर टीका करणाऱ्या कार्यकर्त्यांना आवरा. आगामी काळात (Sangli News) तुमच्या कुटील कटकारस्थानला एकसंघपणे उत्तर देऊ. खरंच खुमखुमी आली असेल तर तारीख, वेळ व ठिकाण तुम्ही सांगावे, तिथे आम्ही येऊन जशास तसे उत्तर देऊ असा इशारा राष्ट्रवादी काँग्रेसचे जिल्हाध्यक्ष निशिकांत भोसले-पाटील यांनी दिला.

2024 च्या विधानसभा निवडणुकीत लाखाचे मताधिक्य 12 हजारावर आणून सर्वसामान्य (Sangli News) मतदारांनी आ. जयंत पाटील यांची उंची दाखवल्याची टीका त्यांनी केली. शिवसेना जिल्हा कार्यालयात आयोजित पत्रकार परिषदेत ते बोलत होते.

जिल्हा बँकेचे संचालक ॲड. चिमण डांगे, रयत क्रांती पक्षाचे प्रदेशाध्यक्ष सागर खोत, शिवसेनेचे तालुकाप्रमुख सागर मलगुंडे, काँग्रेसचे विजय पवार, निवास पाटील, अशोक पाटील यांची प्रमुख उपस्थित होती. निशिकांत पाटील म्हणाले, ‘‘छत्तीस वर्षे आमदार सतरा वर्षे मंत्री असूनही तरुणांच्या हाताला काम देण्यासाठी एकही उद्योग जयंत पाटील यांनी आणला नाही.

कै. राजारामबापू पाटील यांनी निर्माण केलेल्या संस्थेवर तुम्ही अलगद येऊन बसला आहात. 36 वर्षाच्या आमदारकीच्या काळात एकदा तरी आमसभा घेतली का ? जयंत पाटील यांनी खुनशी, कुचकट राजकारण केले. स्वतःचे नातेवाइक मोठे होतील याची काळजी घेतली. तुमच्या मुलाच्या राजकीय भविष्यासाठी कार्यकर्त्यांना आवरा. तुमच्या मुलाला साधे जिल्हा परिषद सदस्य करता येत नाही, त्यांना राज्याचे नेते कसे म्हणायचे याचे आत्मपरीक्षण करा.’’

ॲड. चिमण डांगे म्हणाले, ‘विद्यमान आमदारांना ओबीसीचे वावडे आहे. ओबीसी मते पाहिजेत. परंतु, ओबीसी अधिकारी त्यांना चालत नाही. ओबीसी महिला तहसीलदार चांगले काम करताना त्यांना त्रास देणे शोभते का ? त्यांची जिल्हाधिकाऱ्यांकडे तक्रार करून चौकशीची मागणी करण्याचा उद्योग बरोबर नाही.’

सागर खोत म्हणाले, ‘सदाभाऊ खोत यांच्यासारखे खेडेगावातील नेतृत्व पुढे आल्याने त्यांना धक्का बसला आहे.’ सागर मलगुंडे म्हणाले, महिला तहसीलदारांना जाहीररित्या अपमान करणे ही निषेधार्थ बाब आहे.’ विजय पवार अशोक पाटीलयांनी मनोगत व्यक्त केले.

जयंतराव आत्मपरीक्षण करा
पक्षप्रवेशासंदर्भात तुमच्या बाबतीतच चर्चा का होते याचे आत्मपरीक्षण करा. तुम्हाला कोणत्या (Sangli News) पक्षात घेईनात. सर्व पक्षांची दारे बंद झाली आहेत. महायुतीची गाडी सध्या फुल्ल आहे. आम्ही आमच्या जागा फिक्स केल्या आहेत. तुम्हाला यायचे असेल तर पाठीमागे बसावे लागेल, असेही निशिकांत पाटील यांनी सांगितले.