पुणे : तळवडे येथील एका सदनिकेच्या असाईनमेंट डीड नोंदणीवेळी बनावट कागदपत्रे जोडल्याचा संशय व्यक्त होत असल्याने सहकारनगर पोलिसांनी दुय्यम निबंधकांना चौकशीसाठी समन्स बजावले आहे. या प्रकरणी दस्त नोंदणी अधिनियम 1908 च्या कलम 82 अंतर्गत कारवाईचा प्रस्ताव असल्याची माहिती पोलिसांकडून देण्यात आली. मिळालेल्या माहितीनुसार, मौजे तळवडे येथील गट क्रमांक 167 मधील शिवप्रिया अपार्टमेंटमधील सदनिका क्रमांक 203 (बिल्टअप क्षेत्र 560 चौ.फुट व कार्पेट क्षेत्र 381 चौ.फुट) या मिळकतीचा असाईनमेंट डीड (दस्त क्र. 3934/2026) 6 फेब्रुवारी 2026 रोजी नोंदविण्यात आला होता. या दस्त नोंदणीवेळी पिंपरी-चिंचवड महानगरपालिकेचा बांधकाम सुरू करण्याचा दाखला तसेच पूर्णत्वाचा दाखला जोडण्यात आल्याचे नमूद आहे. मात्र, प्राथमिक तपासात हे दाखले बनावट असल्याचा संशय व्यक्त करण्यात आला आहे. याबाबत दाखल झालेल्या तक्रार अर्जाच्या आधारे सहकारनगर पोलिसांनी चौकशी सुरू केली आहे. या प्रकरणात लिहून देणारे शंकर रघुनाथ गोकुळे, तसेच दस्त नोंदणीवेळी संबंधित व्यवहारात सहभागी असलेले साहिल विठ्ठल फल्ले, योगिता राजू पाटील आणि राजू शिवाजी पाटील यांच्याविरोधात शासनाची फसवणूक केल्याचा आरोप करण्यात आला आहे. Pune News या संदर्भात सह दुय्यम निबंधक (वर्ग-2) अनिल गायकवाड यांना सहकारनगर पोलीस स्टेशनमध्ये उपस्थित राहण्याचे समजपत्र देण्यात आले . त्यांना दस्त क्रमांक 3934/2026 ची साक्षांकित प्रत, तक्रार देण्यासाठी मिळालेल्या अधिकाराचे आदेश आणि संबंधित कागदपत्रांच्या प्रती सादर करण्यास सांगितले दरम्यान, 6 मार्च रोजी दुपारी 3 वाजता सहकारनगर पोलीस स्टेशन येथे चौकशीसाठी हजर राहण्याचे निर्देश देण्यात आले होते. या चौकशीसाठी संबंधित अधिकारी उपस्थित राहिले होते, त्यामुळे दस्त नोंदणीचे कामकाज बंद होते, अशी माहिती पोलिसांनी दिली आहे. हेही वाचा : Bihar Politics : नितीश कुमार यांची देशपातळीवरील राजकारणात एन्ट्री! बिहारच्या राजकारणात कोणते बदल होणार? वाचा 4 महत्वाचे मुद्दे
