मराठी चित्रपटसृष्टीमधील अतिशय लोकप्रिय अभिनेते, निर्माते आणि दिग्दर्शक सचिन पिळगावकर सध्या मागच्या काही दिवसांपासून मोठ्या प्रमाणात चर्चेत आहेत. त्यांच्या विधानांवरून त्याला अनेकदा नेटकऱ्यांकडून ट्रोल केले जाते. सध्या सोशल मीडियावर महागुरुंचा एक व्हिडीओ व्हायरल होत आहे. या व्हिडीओमध्ये ते बाथरुममधील नळ बंद करण्याबाबत बोलताना दिसत आहेत.

काय आहे व्हिडिओमध्ये?
व्हिडीओमध्ये सचिन पिळगावकर म्हणतात, मी थंड पाण्याने आंघोळ करणारा माणूस आहे. त्यासाठी नळ सुरू करावा लागतो. मी बादली भरायला लावली. बादली भरताना वाटत पाहावी लागते. बादली भरल्यानंतर मी नळ बंद करण्याचा प्रयत्न करत होतो. पण नळ बंदच होत नव्हता. मी पॅनिक झालो. मग माझ्या लक्षात आलं की मी उलट्या दिशेने नळ बंद करतोय… नळ बंद होऊ शकणार नाही.. ते मला सुटल्या दिशेने बंद करायला हवा.

सध्या हा व्हिडिओ सोशल मीडियावर मोठ्या प्रमाणात व्हायरल होताना दिसत आहे. ही मुलाखत नेमकी कुठली आहे? हे मात्र समजू शकलेले नाही. या मुलाखतीत सचिन पिळगावकर आंघोळ करताना आलेला अनुभव सांगताना दिसत आहेत. ‘धनंजय माने इथेच राहतात का?’ या फेसबुक अकाऊंटवरुन हा व्हिडिओ शेअर करण्यात आला आहे.

नेटकऱ्यांच्या प्रतिक्रिया
महागुरुंचा हा व्हिडिओ सोशल मीडियावर व्हायरल झाल्यानंतर त्यांना नेटकऱ्यांकडून ट्रोल केले जात आहे. एका यूजरने या व्हिडिओ कमेंट करताना म्हंटले कि, बादली भरत असताना वाट पहावी लागते आणि नळ बंद होत नसल्यास कृपया पॅनिक होऊ नये. तेव्हा नळ कसा बंद करायचा हा मुद्दा आहे तर दुसऱ्याने महागुरू सध्याच्या पावसाळ्याची चावी सुद्धा कदाचित तुम्ही उलट्या दिशेने फिरवत आहात म्हणून नोव्हेंबर महिना लागला तरी पाऊस जात नाही असे म्हंटले आहे.