UP Politics: जाहीर सभेसाठी अखिलेश यादव स्टेजवर पोहोचले अन् कार्यकर्त्यांमध्ये झाली हाणामारी, पोलिसांचा लाठीचार्ज
आझमगढ – उत्तर प्रदेशातील आझमगढमधील लालगंज लोकसभा मतदारसंघातील सरायमीर येथील खारेवा वळणावर मंगळवारी समाजवादी पक्षाचे प्रमुख अखिलेश यादव यांच्या जाहीर सभेत आगमन झाल्यानंतर मोठा गोंधळ झाला. अतिउत्साही कार्यकर्ते स्टेजकडे येण्याचा प्रयत्न करत होते. लोक आधीच आपली जागा धरून बसल्यामुळे ऐनवेळी पुढे येणारे कार्यकर्त्यांसोबत गोधळ निर्माण झाला. परिस्थिती हाताबाहेर जात असल्याचे पाहून पोलिसांनी लाठीमार केला. यावेळी खुर्च्यांची मोडतोड करून एकमेकांवर खुर्च्यांनी हल्ला केला. अखिलेश यादव स्टेजवर बसून राहिले आणि सूत्रसंचालक लोकांना आवाहन करत राहिले, पण त्याचा काही परिणाम झाला नाही.
किंबहुना मंचासमोर पोहोचण्याच्या स्पर्धेमुळे चारही बाजूचे कार्यकर्ते आपापसात भांडू लागले. प्रत्येक जण स्टेजच्या जवळ येण्याचा प्रयत्न करत होता. पण लोक आधीच आपली जागा धरून समोर बसले होते. अशा परिस्थितीत कार्यकर्ते आपापसात भिडले. पोलिसांना परिस्थिती हाताळण्यात मोठी अडचण आली आणि लाठीचार्ज करून परिस्थिती नियंत्रणात आणण्याचा प्रयत्न करण्यात आला.
VIDEO | Ruckus during Samajwadi Party president Akhilesh Yadav’s public rally in Azamgarh, Uttar Pradesh.#LSPolls2024WithPTI #LokSabhaElections2024
(Full video available on PTI Videos – https://t.co/n147TvqRQz) pic.twitter.com/b0tuHZUTtY
— Press Trust of India (@PTI_News) May 21, 2024
२५ मे रोजी आझमगडमध्ये सहाव्या टप्प्यातील मतदानासंदर्भात अखिलेश यादव यांची जिल्ह्यातील ही पहिलीच जाहीर सभा होती, मात्र त्यात ज्याप्रकारे गदारोळ झाला, त्यावरून पुन्हा एकदा अनेक प्रश्न उपस्थित होत आहेत. मात्र, बऱ्याच प्रयत्नांनंतर जाहीर सभा पुन्हा सुरू झाली, मात्र तोपर्यंत सर्व काही मीडियाच्या कॅमेऱ्यात कैद झाले होते. परिस्थिती शांत झाल्यानंतर अखिलेश यादव यांनी सभेत आपले मत मांडले, मात्र त्यांच्या कपाळावर सुरकुत्या स्पष्ट दिसत होत्या.
याआधी रविवारी संत कबीर नगर येथे अखिलेश यादव यांच्या सभेत मोठ्या संख्येने जमलेल्या पक्ष समर्थक आणि कार्यकर्त्यांनी बॅरिकेड्स तोडून त्यांच्या दिशेने जाण्याचा प्रयत्न केला तेव्हा गोंधळ झाला. या घटनेचा कथित व्हिडिओ इंटरनेटवर व्हायरल होत आहे. व्हिडीओमध्ये दिसत आहे की, मोठ्या संख्येने समर्थक सुरक्षा घेरा तोडून यादव यांच्या गाडीजवळ पोहोचले. यावेळी समर्थकांनी अखिलेशसोबत फोटोही काढले. कार्यकर्त्यांनी रॅलीच्या ठिकाणी लावलेले मायक्रोफोन, खुर्च्या आणि कुलरचीही नासधूस केली.
